मार्च महिना हा खूप महत्त्वाचा महिना असतो. आर्थिक वर्षाचा शेवटचा महिना असतो. त्यामुळे या आर्थिक वर्षातील पैशांसंबंधित सर्व कामे तुम्हाला आर्थिक वर्ष संपण्याआधी करायची असतात. त्यामुळे तुम्हाला ३१ मार्चपूर्वी हे काम करायचे आहे. जर तुम्ही काही महत्त्वाची कामे केली नाही तर पुढच्या आर्थिक वर्षात तुम्हाला अडचणी येऊ शकतात.

टॅक्स सेव्हिंग (Tax Saving)

सध्या देशात दोन टॅक्स प्रणाली आहेत. एक जुनी कर प्रणाली आणि नवीन करप्रणाली. जर एखाद्या व्यक्तीने HUF जुनी आयकर प्रणाली निवडली तर त्यांना 80C, 80D, 80TTB, 80E, 80G अंतर्गत डिडक्शनचा फायदा मिळतो. त्यामुळे जुनी कर प्रणाली स्विकारणाऱ्यांना टॅक्स सेव्हिंग करण्यासाठी शेवटची तारीख ३१ मार्च २०२६ आहे.

पीपीएफ आणि सुकन्या समृद्धी योजना

पीपीएफ आणि सुकन्या समृद्धी योजनेत दरवर्षी एक ठरावीक रक्कम गुंतवणे आवश्यक आहे. त्यामुळे जर तुम्ही अजूनही पैसे गुंतवले नसतील तर लगेच हे काम करा. ३१ मार्चपूर्वी तुम्हाला पैसे गुंतवायचे आहेत. पीपीएफमध्ये किमान २५० रुपये गुंतवायचे आहे तर सुकन्या समृद्धी योजनेत २५० रुपये गुंतवायचे आहेत.

कर्मचाऱ्यांना गुंतवणूकीचा पूरावा जमा करायचा असतो

ज्या कर्मचाऱ्यांनी टॅक्स वाचवण्यासाठी गुंतवणूक केली आहे त्यांनी याबाबत माहिती द्यायची आहे. त्यांना पेरोल कट ऑफआधी याबाबत कागदपत्रे जमा करायची आहेत.

ITR-U फाइल करणे

२०२१-२२ मध्ये ज्यांनी आयटीआर फाइल केले नाही त्यांनी अपडेटेड आयटीआर फाइल करायचा आहे. यासाठी ३१ मार्चपर्यंतची मुदत आहे. त्यामुळे ज्या करदात्यांना आयटीआर फाइल करण्यासाठी उशिर झाला आहे त्यांनी लवकरात लवकर हे काम करायचे आहे.

होम लोन सर्टिफिकेट

तुम्ही जर होम लोन घेतले असेल तर तुम्हाला व्याजाचे सर्टिफिकेट डाउनलोड करायचे आहे. तुम्ही आयकर कायदा 1961 च्या कलम 24(b) अंतर्गत २ लाखांपर्यंत डिडक्शनसाठी दावा करु शकतात. तुम्हाला १.५ लाखांपर्यंत सूट मिळेल.

फॉर्म 12B

जर तुम्ही कर्मचारी आहात आणि २०२५-२६ मध्ये नोकरी बदलली आहे तर तुम्हाला जुन्या कंपनीचा इन्कम फॉर्म सध्याच्या कंपनीत जमा करायचा आहे.

परदेशातील गुंतवणूकीचे आयकर स्टेटमेंट अपलोड करणे

जर तुम्ही विदेशात गुंतवणूक केली असेल तर त्याचे स्टेटमेंट अपलोड करायचे आहे. यासाठी ३१ मार्चपर्यंतची शेवटची तारीख आहे. फॉरेन टॅक्स क्रेडिटसाठी दावा करण्यासाठी हे स्टेटमेंट गरजेचे आहे.