वाहनांना फास्टॅग पास हा अनिवार्य केला आहे. आता फक्त फास्टॅग किंवा यूपीआयद्वारे पेमेंट केले जाते. आता फास्टॅग वापरणाऱ्यांसाठी महत्त्वाचा इशारा देण्यात आल आहे. फास्टॅग वापरणाऱ्यांसोबत मोठा स्कॅम होण्याची शक्यता आहे. सध्या अॅन्युअल पासच्या नावाखाली ऑनलाइन फ्रॉड केला जात आहे. यामुळे तुमचे आर्थिक नुकसान होऊ शकतो.

फास्टॅगच्या नावाखाली खोट्या वेबसाइट आहेत. या वेबसाइटवर गेल्यानंतर तुमच्या खात्यातील पैसे आपोआप कट होऊ शकतात. National Highways Authority of India ने याबाबत अॅडवायजरी जारी करण्यात आली आहे. त्यामुळे फास्टॅगचा वापर करताना जपून करावा.

फास्टॅगचा अॅन्युअल पासच्या नावावर वाहनधारकांना अनेक ऑफर्स देतात. या ऑफर्स पाहून आपला त्यांच्यावर विश्वास बसतो परंतु हे पूर्णपणे बनावट असतात. फ्रॉड करणाऱ्यांना फेक वेबसाइट बनवली आहे. ही वेबसाइट खऱ्या प्लॅटफॉर्मप्रमाणेच दिसते. या साइटवर पेमेंट करायला सांगतात. त्यावरुन फसवणूक केली जाते.

गुगलला सर्च केल्यावर ज्या लिंक्स दिसतात त्यामधील अनेक लिंक्स या खोट्या बनावट असतात. युजर्स या लिंकवर क्लिक करतात आणि पेमेंट करतात. या साइटवर मोबाईल नंबर, रजिस्ट्रेशन नंबर, पेमेंट डिटेल्स मागितले जातात. यामुळे तुमचा डेटादेखील चोरीला जाऊ शकतो आणि अकाउंटदेखील रिकामी होऊ शकतो.