यूपीएससी परीक्षा देऊन सरकारी अधिकारी होण्याचे अनेकांचे स्वप्न असते. स्पर्धा परीक्षा देण्यासाठी दिवसरात्र अभ्यास करावा लागतो. जर तुम्हाला तुमची स्वप्न पूर्ण करायची असतील तर मेहनत हा एकमेव मार्ग आहे. अशीच मेहनत आशना चौधरी यांनी केली आणि यूपीएससी परीक्षा क्रॅक केली.

आशना चौधरी यांचा प्रवास हा प्रेरणादायी आहे. लहान गावात जन्मलेल्या आशना यांनी खूप मोठे नावलौकिक कमावले आहे. त्यांचे सोशल मीडियावरदेखील लाखो फॉलोवर्स आहेत.(Success Story)

आशना यांचे वडील डॉ. अजीत सिंह हे सरकारी कॉलेजमध्ये प्रोफेसर होते. त्यांची आई इंदु सिंह या गृहिणी आहेत. आशना यांचा जन्म सामान्य घरात झाला. परंतु त्यांची स्वप्ने खूप मोठी होती. त्यांनी सेंट जेवियर स्कूल, सेंट मेरी स्कूल आणि दिल्ली पब्लिक स्कूल अशा विविध शाळांमधून शिक्षण पूर्ण केले.

शालेय शिक्षण झाल्यानंतर आशना या दिल्ली येथील श्री राम कॉलेज फॉर वुमन येथे गेल्या. त्यांनी इंग्लीश लिटरेचरमध्ये पदवी प्राप्त केली. त्यांनी साउथ एशियन युनिव्हर्सिटीमधून इंटरनॅशनल रिलेशनमध्ये मास्टर्स डिग्री प्राप्त केली. याच काळात त्यांनी यूपीएससी परीक्षेची तयारी केली. (Success Story Of AAshna Chaudhary)

२०१९ मध्ये आशना यांचे ग्रॅज्युएशन पूर्ण झाले. त्यांनी कोणत्याही कोचिंग क्लासेसशिवाय यूपीएससी परीक्षा क्रॅक केली. त्यांनी २०२० मध्ये पहिल्यांदा परीक्षा दिली. यावेळी त्यांना प्रिलियम्स परीक्षादेखील क्लिअर करता आली नव्हती. दुसऱ्या प्रयत्नातही त्यांना यश मिळाले नाही. मात्र, त्यांनी पुन्हा परीक्षा दिली.त्यांनी तिसऱ्या प्रयत्नात परीक्षा क्रॅक केली.

यूपीएससी परीक्षेत त्यांना ११६ रँक मिळाली. त्यांना आयएएस होत आले असते परंतु त्यांनी आयपीए, होण्याचा निर्णय घेतला.त्या सोशल मीडियावर खूप जास्त प्रसिद्ध आहेत. त्यांचे लाखो फॉलोवर्स आहेत.