कर्मचारी भविष्या निर्वाह निधी म्हणजेच ईपीएफओच्या (EPFO) सदस्यांसाठी महत्त्वाची बातमी आहे. २०२४-२५ या आर्थिक वर्षासाठी पीएफ अकाउंटमध्ये व्याजदर जमा होण्यास सुरुवात झाली आहे. दरम्यान, अजूनपर्यंत EPFO कडून कोणत्याही प्रकारची सूचना किंवा एसएमएस जारी करण्यात आलेला नाही. परंतु अनेक खातेधारकांच्या खात्यात पीएफ अकाउंटमध्ये पैसे जमा झाल्याचे दिसत आहे.

सरकारने काही दिवसांपूर्वीच EPF अकाउंटसाठी ८.२५ टक्के व्याजदर निश्चित केले होते. हे व्याजदर फेब्रुवारी २०२५ पासून लागू होणार आहे. सरकारने या प्रस्तावाला मंजुरीदेखील दिली आहे. त्यानंतर आता ७ कोटींपेक्षा जास्त खातेधारकांना फायदा होणार आहे. या खातेधारकांच्या खात्यात वार्षिक व्याज जमा होणार आहे

PF अकाउंटमध्ये व्याजदर जमा झाले की नाही असं करा चेक (How to check epfo interest rate recieve or not)

ईपीएफ खातेधारकांच्या खात्यात व्याजदर जमा होण्यास सुरुवात झाली आहे. तुमच्याही खात्यात पैसे जमा झाले की नाही हे तुम्ही ऑनलाइन पद्धतीने चेक करु शकतात. EPFO च्या पोर्टलवर जाऊन तुम्हाला ही सर्व प्रक्रिया करता येणार आहे.

• सर्वात आधी तुम्हाला https://passbook.epfindia.gov.in वर जायचे आहे.

• त्यानंतर तुम्हाला तुमचा युनिव्हर्सल अकाउंट नंबर, पासवर्ड आणि कॅप्चा कोड टाकायचा आहे.

• यानंतर रजिस्टर मोबाईल नंबरवर आलेला ओटीपी टाका.

• यानंतर लॉग इन झाल्यानंतर तुम्हाला Member ID दिसणार आहे.

• यानंतर पासबुक टॅबवर क्लिक करा आणि संबंधित Member ID वर क्लिक करा. यानंतर तुम्हाला पासबुक दिसणार आहे.

• पासबुकमध्ये कर्मचारी आणि नियोक्ता यांनी जमा केलेले पैसे वेगवेगळ्या एन्ट्री दिसतात. तुम्हाला जमा झालेल्या रुपयांच्या आधारे व्याजदर जमा झाले की नाही हे समजेल.

व्याजदर दिसत नसेल तर काय करावे?

ईपीएफओ पोर्टलवर व्याजदर अपडेट होण्यासाठी काही वेळ लागू शकतो. जर पासबुकमध्ये व्याजदर दिसत नाही तर काही वेळ वाट पाहा. जर काही दिवसानंतरही तुमच्या खात्यात व्याज जमा झाले नाही तर EPFO च्या कार्यालयात किंवा ऑनलाइन ग्रेव्हिएन्स पोर्टलवर जाऊन तक्रार करु शकतात.