कर्मचारी भविष्य निधीमध्ये प्रत्येक कर्मचाऱ्याचे पैसे जमा होतात. कर्मचारी भविष्य निधीमधील गुंतवणूक ही खूप सुरक्षित असते. तुम्हाला भविष्यात खूप फायदा होतो. दरम्यान, पीएफमधील पैशांवर तुम्हाला चांगले व्याजदरदेखील मिळते. तुम्हाला सेवानिवृत्तीनंतर हे पैसे मिळतात. याचसोबत तुम्ही मध्ये काही कारणांसाठी पैसे काढू शकतात. यासाठी ईपीएफओच्या नियमांचे पालन करावे लागते. दरम्यान, हे पैसे कोणत्या कारणासाठी आणि किती काढायचे याबाबतची सविस्तर माहिती जाणून घ्या.

दरम्यान, एक्सपर्टच्या मते, तुम्ही पीएफमधून जास्त पैसे काढू नका. जर तुम्ही पैसे काढले तर तुम्हाला रिटायरमेंटनंतर कमी फंड मिळेल.

पीएफ खात्यात किती योगदान जमा करतात?

प्रत्येक कर्मचाऱ्याचे पीएफ खात्यात पैसे असतात. ही रक्कम सेवानिवृत्तीपर्यंत जमा केली जाते. निवृत्तीनंतर तुम्हाला पैसे पैसे मिळतात. प्रायव्हेट सेक्टरमध्ये काम करणारे कर्मचारी आपली बेसिक सॅलरी आणि महागाई भत्त्यामधील २ टक्के रक्कम पीएफ खात्यात जमा करते. दरम्यान, नियोक्त्याकडूनही तेवढीच रक्कम जमा केली जाते. याचसोबत सध्या पीएफ खात्यावर ८.२५ टक्के व्याजदर दिले जाते.

कधी काढू शकतात पीएफचे पैसे? (Reasons to Withdraw PF)

ईपीएफओमध्ये तुम्ही काही परिस्थितींमध्ये पैसे काढू शकतात.

बेरोजगारी

जर तुमच्याकडे १ महिन्यापेक्षा जास्त काळ नोकरी नसेल तर तुम्ही पीएफ बँलेसमधील ७५ टक्के रक्कम काढू शकतात. दोन महिन्यापेक्षा जास्त काळ बेरोजगार असाल तर तुम्ही संपूर्ण रक्कम काढू शकतात.

घर घ्यायचे असेल तर

ईपीएफ सदस्य झाल्यानंतर घर खरेदी करण्यासाठी किंवा बांधकाम करण्यासाठी तुम्ही पीएफमधील ९० टक्के रक्कम काढू शकतात.

मेडिकल इमरजन्सी

तुम्ही मेडिकल इमरजन्सीमध्येही पैसे काढू शकतात. या काळात तुम्हाला पीएफचे पैसे काढण्याची परवानगी असते.

लग्न किंवा शिक्षण

सात वर्षे सेवा केल्यानंतर तुम्हाला लग्नासाठी ५० टक्के रक्कम काढू शकतात. मुलांच्या शिक्षणासाठीही पैसे काढू शकतात.