पीएफ अकाउंटमध्ये तुम्ही जी रक्कम गुंतवता ती एक गुंतवणूक असते. दर महिन्याला तुमच्या अकाउंटमधील ठरावीक रक्कम ईपीएफ खात्यात जमा केली जाते. दरम्यान, हे पैसे काढण्याची परवानगीदेखील कर्मचाऱ्यांना असते. काही परिस्थितींमध्ये तुम्ही पैसे काढू शकतात. परंतु अनेकदा पैसे काढताना खूप अडचणी येतात. अनेकदा कागदपत्रे पूर्ण नसल्याने किंवा रेकॉर्डमध्ये मॅच होत नसल्याने कर्मचाऱ्यांना वाट पाहावी लागते. अशा परिस्थितीत तुम्ही नेहमी काळजी घ्यायची असते.

तुमची माहिती अपडेट करा

तुम्हाला सर्वात आधी तुमचे नाव, जन्मतारीख, आधार नंबर, पॅन कार्ड याबाबत माहिती चेक करणे गरजेचे आहे. ईपीएफ रेकॉर्डमध्ये तुमची ही माहिती चुकीची नसायला हवी. अन्यथा पीएफ काढताना तुमचा अर्ज नाकारला जाऊ शकतो. यासाठी तुम्हाला पोर्टलवर जाऊन केवायसी करणे गरजेचे आहे. यामध्ये तुमची माहिती वेरिफाइड आहे की नाही चेक करा. जर एखादी माहिती अपडेट करायची बाकी असेल तर ती लवकरात लवकर करा.

पोर्टलवर क्लेम स्टेट्‍स चेक करा

आता कर्मचाऱ्यांना पोर्टलवर जाऊन क्लेम स्टेटस चेक करता येणार आहे. यावरुन तुमची रिक्वेस्ट प्रोसेसमध्ये आहे की नाही हे समजेल. अनेकदा क्लेम प्रोसेस होतो परंतु तो अकाउंटमध्ये दिसायला वेळ लागतो.जर तुम्हाला पोर्टलवर क्लेम स्टेटसमध्ये सेटल असं दिसलं आणि अकाउंटमध्ये पैसे जमा झाले नसतील तर बँक स्टेटमेंट चेक करा.

जर क्लेमचे काही पैसे क्रेडिट झाले असतील तर

अनेकदा क्लेमचे काही पैसेच बँक अकाउंटमध्ये जमा होतात.ईपीएफफ बॅलेंसमधील एक हिस्सा दिला जातो. सर्वात आधी कर्मचाऱ्याचा हिस्सा दिला जातो. त्यानंतर नियोक्त्याचा हिस्सा सर्व्हिस डिटेल्स व्हेरिफिकेशन पेंडिंग असते. यासाठी तुम्ही पासबुक चेक करा. यावरुन तुम्हाला सर्व माहिती मिळेल.