देशातील कोट्यवधि कर्मचाऱ्यांचे पीएफ खाते आहेत. पीएफ खात्यात दर महिन्याला तुमच्या पगारातील काही रक्कम जमा केली जाते. यातील काही रक्कम नियोक्त्याकडूनही जमा केली जाते. पीएफ खात्यातील जमा रक्कमेवर तुम्हाला व्याज मिळते. त्यामुळेच पीएफ खात्यातील पैसे ही एक गुंतवणूक असते. दरम्यान, सेवानिवृत्तीनंतर तुम्ही पीएफ खात्यातून पैसे काढू शकतात. आता हे पैसे काढणे अजूनच सोपे होणार आहे. ईपीएफओने पीएफ खात्यातून पैसे काढण्याच्या नियमात बदल केले आहेत.

सेवानिवृत्त कर्मचाऱ्यांना पीएफ खात्यातून पैसे काढताना अनेक अडचणी यायच्या. आता ही प्रक्रिया अधिक सोपी आणि सुरक्षित केली आहे. सेवानिवृत्त कर्मचाऱ्यांसाठी ईपीएफओच्या नियमात बदल केले आहे.

पीएफ काढण्याचे नियम काय आहेत? (PF withdrawal Rule)

पीएफ खात्यातून पैसे काढताना तुम्हाला अनेक कागदपत्रे द्यावी लागायची. परंतु आता तुम्हाला असे काहीही करण्याची गरज नाही. तुम्ही कोणत्याही कागदपत्राशिवाय पीएफ खात्यातून पैसे काढू शकतात. दरम्यान, सध्याच्या नियमानुसार, जर एखादा व्यक्ती एक महिन्यापेक्षा जास्त दिवस बेरोजगार आहे तर ते पीएफ खात्यातून ७५ टक्के रक्कम काढू शकतात. दरम्यान, आता या नियमातही बदल करण्यात आले आहेत.

कर्मचाऱ्यांना पीएफ अकाउंटमध्ये कमीत कमी २५ टक्के रक्कम ठेवावी लागते. सध्या या अकाउंटवर ८.५ टक्के व्याज मिळते. त्यावर चक्रव्याढ व्याजदेखील दिले जाते. नोकरी सोडल्यानंतर तुम्ही पुर्ण पैसे काढले तर तुमचा पेन्शनचा कालावधीदेखील कमी होतो. पेन्शनसाठी तुम्ही कमीत कमी दहा वर्षे नोकरी करणे गरजेची आहे.

आता या नियमानुसार, तुम्ही तुमची ही सेवा निरंतर काळासाठी ठेवू शकतात. याचा तुमच्या पेन्शनवर काहीच परिणाम होत नाही. यामुळे सेवानिवृत्त कर्मचाऱ्यांना खूप फायदा होणार आहे.