संघटित क्षेत्रात काम करणाऱ्या प्रत्येक कर्मचाऱ्याचे पीएफ अकाउंट असते. पीएफ अकाउंटमध्ये दर महिन्याला पैसे जमा करतात. हे पैसे एक गुंतवणूक असतात. तुम्ही हे पैसे अडचणीच्या काळात काढू शकतात. हे पैसे काढण्यासाठी काही अटी निश्चित करण्यात आल्या आहेत. दरम्यान, त्याचसोबत आता तुम्ही यूपीआय किंवा एटीएमद्वारेही पैसे काढू शकणार आहे.

ईपीएफओची पीएफ काढण्याची ऑफलाइन प्रोसेस ही खूप मोठी आणि किचकट आहे. त्यामुळे पैसे जमा होण्यास उशिर होते. दरम्यान, आता ही प्रोसेस खूप सिंपल केली आहे.

EPFO 3.0 होणार लाँच (EPFO 3.0 Launch Soon)

ईपीएफओ लवकरच EPFO 3.0 लाँच करणार आहे. याअंतर्गत पैसे काढले जाणार आहे. मिडिया रिपोर्टनुसार, पुढच्या दोन ते तीन महिन्यात यूपीआयद्वारे पीएफ क्लेम सेटलमेंट करण्याची प्रोसेस सुरु होणार आहे.

ईपीएफओ नॅशनल पेमेंट्स कॉर्पोरेशन ऑफ इंडिया (NPCI) सोबत मिळून ही नवीन प्रोसेस सुरु करणार आहे. याची सुरुवात भीम अॅपवर केली जाणार आहे. तुम्ही १ लाखांपर्यंत पैसे काढू शकणार आहात.

यूपीआयद्वारे काढता येणार पैसे (PF Withdrawal Through UPI)

जर तुम्हाला महत्त्वाच्या कामांसाठी पैसे काढायचे असतील तर ऑटो मोड निवडल्यावरही सर्व प्रोसेस पूर्ण होण्यासाठी तीन दिवस लागतात. मॅन्युअल प्रोसेस करण्यासाठी अजून खूप दिवस लागतात. दरम्यान, आता नवीन यूपीआय प्रोसेसमुळे खूप कमी वेळात तुमच्या खात्यात पैसे जमा होणार आहेत.

एटीएममधून काढता येणार पैसे

यूपीआयसोबतच तुम्ही एटीएममधूनही पैसे काढू शकणार आहे. २०२६ मध्ये कर्मचाऱ्यांना स्पेशल कार्ड दिले जाणार आहे. हे कार्ड डेबिट कार्डसारखे असणार आहे. याद्वारे तुम्ही एटीएममधून पैसे काढणार आहेत. लवकरच ही प्रोसेस सुरु केली जाणार आहे.