कर्मचारी भविष्य निर्वाह निधी म्हणजे ईपीएफओचे तब्बल ८ कोटींपेक्षा जास्त सदस्य आहेत. ईपीएफओ लवकरच EPFO 3.0 या नावाने डिजिटल प्लॅटफॉर्म सुरु करणार आहे. या नवीन सिस्टीममुळे पीएफशीसंबंधित सर्व सेवा सोपी आणि पारदर्शक पद्धतीने मिळणार आहे. ही EPFO 3.0 सेवा जून महिन्यात लाँच होणार होती. परंतु काही तांत्रिक कारणांमुळे उशिर झाला. यासाठी Infosys, Wipro आणि TCS या कंपन्या काम करत आहेत.

मिडिया रिपोर्टनुसार, सध्या या EPFO 3.0 बाबत तपासणी सुरु आहे. परंतु लवकरच ही सेवा कर्मचाऱ्यांसाठी सुरु केली जाईल, असं सांगितलं जात आहे. या आधुनिक सुविधेमुळे पीएफसंबंधित सर्व कामे सोपी होणार आहेत.

एटीएममधून काढा पीएफचे पैसे

नवीन सिस्टीमनुसार, एटीएममधून पीएफचे पैसे काढले जाणार आहे. यासाठी तुम्हाला आधार कार्ड आणि बँक खाते लिंक करावे लागेल.यानंतर तुमचा यूएएन नंबर अॅक्टिव्हेट करा. यानंतर तुम्हाला पीएफ खात्यातून पैसे काढता येणार आहे. याचसोबत तुम्ही यूपीआयद्वारेही पीएफचे पैसे काढू शकतात.

सर्वकाही ऑनलाइन होणार अपडेट

EPFO 3.0 मध्ये ऑनलाइन क्लेम आणि माहितीत जर कोणता बदल करायचा असेल तर ते डिजिटल केले आहे. यासाठी तुम्हाला मोबाईलवरुन माहिती अपडेट करता येणार आहेत. याद्वारे तुम्ही नाव, वैयक्तिक माहिती अपडेट करु शकणार आहात.

PF ची सर्व माहिती एका क्लिकवर

EPFO 3.0 एका नवीन डिझाइनमध्ये असणार आहे. यातील डॅशबोर्डवर तुम्हाला पीएफबाबत सर्व माहिती मिळणार आहे. तुमचे महिन्याला किती पैसे जमा होतात. ते व्याजदर याबाबत माहिती मिळते.