मुहूर्त ट्रेडिंगचा दिवस शेअर मार्केटसाठी खूपच शुभ ठरला हे. आज मुहूर्त ट्रेडिंगसाठी बाजारात उघडताच सेन्सेक्सने 500 हून अधिक अंकांची उसळी घेतली आणि पुन्हा एकदा 80 हजारांचा टप्पा पार केला. तसेच निफ्टी 150 अंकांनी वाढून 24,368 अंकांच्या पातळीवर पोहोचला.
बीएसई निर्देशांकातील सर्व 30 शेअर्स ग्रीन झोनमध्ये ट्रेडिंग करताना दिसले. महिंद्रा अँड महिंद्रा, टाटा मोटर्स, अदानी पोर्ट्स, एनटीपीसी, ॲक्सिस बँक, टायटन, इंडसइंड बँक, बजाज फिनसर्व्ह आणि कोटक बँक यांचे शेअर्स एक टक्क्यांहून अधिक वाढले. याशिवाय टेक महिंद्रा, पॉवर ग्रिड, एशियन पेंट्स सारखे शेअर्सही ग्रीन झोनमध्ये दिसले.
मुहूर्त ट्रेडिंग ही एक जुनी परंपरा आहे, जी गेल्या 68 वर्षांपासून शेअर बाजारात पाळली जात आहे. ही एक प्रतिकात्मक ट्रेडिंग असते. कोणतीही नवीन सुरुवात करण्यासाठी हा काळ चांगला मानाला जातो. या काळात गुंवणूकदार धार्मिकदृष्ट्या शगुन म्हणून काही प्रमाणात शेअर्स खरेदी करतात.
दरम्यान, शनिवार आणि रविवार शेअर बाजार बंद राहणार असून ट्रेडिंग पुन्हा सोमवारपासून सुरु होणार. यातच शुक्रवारही दिवसभर शेअर बाजार बंद होते, मात्र मुहूर्त ट्रेडिंगसाठी बाजार काही वेळासाठी सुरु करण्यात आलं होतं.
याआधी गुरुवारीच्या शेअर बाजारच्या ट्रेडिंगबद्दल बोलायचं झालं तर आठवड्याच्या शेवटच्या दिवशी, बीएसई सेन्सेक्स 553.12 अंकांनी घसरून 79,389.06 वर बंद झाला होता. ट्रेडिंगदरम्यान सेन्सेक्स 654.25 अंकांनी घसरून 79,287.93 अंकांवर आला. त्याचप्रमाणे NSE निफ्टी 135.50 अंकांनी घसरून 24,205.35 वर पोहोचला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.