ऑनलाइन किराणा, भाजीपाला आणि रोजच्या गरजेच्या वस्तूंसोबत आता एलपीजी (LPG) गॅस सिलेंडरही घरपोच मिळणार आहे. क्विक कॉमर्स क्षेत्रात पहिल्यांदाच Swiggy Instamart ने हिंदुस्तान पेट्रोलियम कॉर्पोरेशन लिमिटेड (HPCL) सोबत भागीदारी करून निवडक LPG सिलेंडरची जलद डिलिव्हरी सेवा सुरू केली आहे. या सेवेमुळे ग्राहकांना काही मिनिटांतच अधिकृत HPCL गॅस सिलेंडर घरी मागवता येईल.
सध्या ही सेवा बेंगळुरू शहरातल्या Instamart च्या काही निवडक सेवा क्षेत्रांमध्ये उपलब्ध करून दिली आहे. तर इतर शहरांमध्ये ही सुविधा कधी सुरू होणार याबद्दल कोणतीही अधिकृत माहिती समोर आलेली नाही. त्यामुळे महाराष्ट्रासोबत बाकीच्या राज्यांमध्येही ग्राहकांना या सेवेच्या विस्ताराची वाट पाहावी लागणार आहे.
ग्राहकांना सध्या HP Navya १० किलो कंपोझिट LPG सिलेंडर आणि HPCL ५ किलो मेटल LPG सिलेंडर ऑर्डर करता येत आहेत. हे दोन्ही सिलेंडर लहान फॅमिली, विद्यार्थी, भाड्याने राहणारे किंवा कमी गॅस वापरणाऱ्या ग्राहकांसाठी हा पर्याय फायदेशीर ठरू शकतो.
गॅस सिलेंडर ऑर्डर करण्याची प्रोसेस इतर वस्तूंसारखीच सोपी आहे. त्यासाठी Instamart अॅप उघडा. HPCL LPG सिलेंडर शोधा. तुम्हाला हवा तो सिलेंडर निवडा. आवश्यक माहिती भरून ऑर्डर पूर्ण करा. ही ऑर्डर Instamart वरून दिली असली तरी प्रत्यक्ष डिलीव्हरी HPCL च्या अधिकृत वितरकांमार्फत आणि प्रशिक्षित डिलिव्हरी कर्मचाऱ्यांकडून केली जाणार आहे. त्यामुळे सुरक्षितता आणि सरकारी नियमांचे पूर्ण पालन केले जाईल.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.