केंद्रीय मंत्रिमंडळाच्या बैठकीत सरकारनं ४९.१९ लाख कर्मचारी आणि ६८.७२ लाख पेन्शनधारकांसाठी आनंदाची बातमी दिली. सरकारनं कर्मचाऱ्यांच्या महागाई भत्त्यात वाढ केलीय.सरकारनं महागाई भत्त्यात ३ टक्क्यांची वाढ केली आहे. या महागाई भत्त्यानुसार कर्मचाऱ्यांना ५८ टक्के महागाई भत्ता मिळेल. डीए आणि डीआरमधील ही वाढ १ जुलै २०२५ पासून लागू होणार आहे. याचा अर्थ सप्टेंबरच्या पगारासोबतच कर्मचाऱ्यांना आणि पेन्शनधारकांना जुलै ते सप्टेंबरपर्यंतची थकबाकीही मिळणार आहे.

बेसिक सॅलरीवरून मिळतो डीए

कर्मचाऱ्यांना देण्यात येणारा महागाई भत्ता आणि डीआर हा कर्मचाऱ्यांच्या बेसिक सॅलरीवरून दिला जातो. समजा, कोणत्या कर्मचाऱ्याची बेसिक सॅलरी ६०,००० रुपये असेल तर त्याला ५८ टक्के प्रमाणे महागाई भत्ता हा ३४८०० रुपये मिळेल. म्हणजेच कर्मचाऱ्याला प्रत्येक महिन्याला मिळणाऱ्या सॅलरीमध्ये १८ रुपये वाढून येईल. यासह कर्मचाऱ्यांना त्यांच्या सॅलरीसह जुलै ते सप्टेंबरपर्यंत एरिअरच्या रुपात ५४०० रुपये मिळतील.

केंद्र सरकारने यावर्षी जानेवारीमध्येही महागाई भत्ता वाढवला होता. माहिती आणि प्रसारण मंत्री अश्विनी वैष्णव यांनी मंत्रिमंडळ बैठकीत घेतलेल्या निर्णयांची माहिती देताना सांगितले की, महागाई भत्ता आणि महागाई भत्ता वाढल्याने सरकारी तिजोरीवर वर्षाला एकूण १०,०८३.९६ कोटी रुपयांचा प्रभाव पडणार आहे. ही वाढ ७ वे वेतन केंद्रीय आयोगानुसार करण्यात आलीय. याआधी केंद्र सरकारनं आपल्या कर्मचाऱ्यांच्या महागाई भत्त्यात आणि डीआरमध्ये २-२ टक्के वाढ केली होती. जी १ जानेवारी २०२५ पासून लागून करण्यात आली होती.