खूशखबर! केंद्र सरकारचं दिवाळी गिफ्ट; कर्मचाऱ्यांच्या महागाई भत्त्यात भरघोस वाढ, पेन्शनधारकांनाही होणार फायदा

केंद्र सरकारच्या मंत्रिमंडळाच्या बैठकीत सरकारनं कर्मचाऱ्यांसाठी मोठा निर्णय घेत खूशखबर दिलीय. सरकारनं कर्मचारी आणि पेन्शनधारकांच्या महागाई भत्त्यात वाढ करत त्यांना दिवाळी भेट दिलीय. हा महागाई भत्त्यात जुलैपासून लागू होईल. सरकारने कर्मचाऱ्यांच्या महागाई भत्त्यात ३ टक्क्यांनी वाढ केलीय. ऐनसणासुदीच्या काळात हा निर्णय घेतल्यानं कर्मचाऱ्यांना मोठा फायदा होणार आहे. महागाई भत्त्यातील ही वाढ ७ व्या वेतन आयोगांतर्गत येणाऱ्या सर्व केंद्र सरकारी कर्मचाऱ्यांना तसेच निवृत्तीवेतनधारक आणि कुटुंब निवृत्तीवेतनधारकांना लागू असेल.

सरकारनं याआधी १ जानेवारी २०२५ पासून महागाई भत्त्यात २ टक्क्यांची वाढ केली होती. यामुळे साधरण १.१५ कोटी केंद्रीय सरकारी कर्मचाऱ्यांना आणि पेन्शनधारकांनाही फायदा मिळेल. या वाढीमुळे माहागाई भत्ता, बेसिक सॅलरीच्या ५३ टक्क्यांनी वाढून ५५ टक्के झाला होता.

कर्मचाऱ्यांना जुलै, ऑगस्ट, सप्टेंबर या महिन्याच्या भत्ता दिवाळीच्या आधी दिला जाणार आहे. याचाच अर्थ कर्मचाऱ्यांच्या पगारात लक्षणीय वाढ होईल, त्यामुळे कर्मचारी आणि पेन्शनधारक सणाच्या काळात मोठ्या प्रमाणात खरेदी करतील. दिवाळीपूर्वी केंद्रीय कर्मचारी आणि पेन्शनधारकांसाठी महागाई भत्ता आणि महागाई सवलतमध्ये वाढ करण्याबाबत मोठी घोषणा करण्यात आलीय. यावर्षात सरकारनं दुसऱ्यांदा महागाई भत्त्यात वाढ केलीय.

पगार वाढ किती असेल?

₹३०,००० मूळ पगार असलेल्या कर्मचाऱ्याला दरमहा अतिरिक्त ९०० रुपये मिळतील, तर ₹४०,००० पगार असलेल्या कर्मचाऱ्याला अतिरिक्त १२०० रुपये मिळतील. तीन महिन्यांत, थकबाकीची रक्कम एकूण २७०० ते ३६०० रुपये इतकी असेल. सणासुदीच्या काळात ही एक मोठी रक्क्म असेल.