Tilak Mehta Company Success Story :

ज्या वयात मुले शाळेत जातात. त्या वयात एका १७ वर्षीय मुलाने आपल्या मेहनतीच्या जोरावर कोट्यवधींची कंपनी सुरू केली आहे. मुंबईत राहणाऱ्या टिळक मेहताने हे महत्त्वाचे पाऊल उचलले आहे. टिळकने अत्यंत लहान वयाच अभ्यासासोबत व्यवसाय सुरु केला आणि दोन वर्षात मोठी कंपनी स्थापन केली.

टिळक मेहताचा जन्म २००६ झाली आहे. तो आज १७ वर्षांचा आहे.त्याच्या कंपनीतून तो जवळपास २०० हून अधिक लोकांना रोजगार मिळवून देत आहे.

टिळक शिकत असतानाच त्याला व्यवसाय करण्याची कल्पना डोक्यात आली. लहानपणी घडलेल्या एका प्रसंगातून त्याने हा बिझनेस उभारला आहे. त्याचे वडील एकदा ऑफिसमधून घरी आल्यावर त्यांना स्टेशनरीच्या वस्तू आणायला सांगितल्या. परंतु ते दमले असल्याने त्यांनी नकार दिला. यावेळी टिळकला पुस्तकांच्या होम डिलिव्हरीची आयडिया सुचली. त्यानंतर त्याने बिझनेस प्लान तयार केला. सुरुवातीला त्याच्या वडिलांनी या व्यवसायात गुंतवणूक केली. त्यानंतर घनश्याम पारेख यांनी गुंतवणूक केली. टिळक मेहताची आयडिया ऐकून घनश्याम यांनी बँकेची नोकरी सोडून त्याच्या व्यवसायात काम करायला लागले. त्यानंतर या दोघांनी मिळून 'पेपर एन पार्सल' नावाची कुरिअर सेवा सुरु केली.

'पेपर एन पार्सल' कंपनी

टिळक मेहता हा पेपर एन पार्सल कंपनीचा संस्थापक आहे. पेपर एन पार्सल एक ऑनलाईन प्लॅटफॉर्म आहे. जिथे शिपिंग आणि लॉजिस्टिक सेवा दिली जाते. यासाठी कंपनीत खूप मोठीत टीम कार्यरत आहे. कंपनी मोबाईल अॅपद्वारे वस्तू घरोघरी पोहचवते. त्याच्या कंपनीत अनेक कर्मचारी कार्यरत आहेत. कंपनी रोज हजारो पार्सल पोहचवते.