Bank Employees Strike:

देशातील विविध बँकांचे कर्मचारी १३ दिवस संपावर जाणार आहेत. इंडिया बँक एम्प्लॉईज युनियनने याबाबत अधिसूचना जारी केलीय. या अधिसूचनेनुसार ४ डिसेंबर ते २० जानेवारी या कालावधीत विविध तारखांना हा संप करण्यात येणार आहे. (Latest News)

बँक कर्मचाऱ्यांनी तीन मागण्यांसाठी संपाचे अस्त्र उगारलं आहे. सर्व बँकांमध्ये पुरेशा प्रमाणात स्टाफची नियुक्ती करण्यात यावी. बँकांमधील कायमस्वरूपी नोकऱ्यांचे आऊटसोर्सिंग बंद करण्यात यावे. आउटसोर्सिंगशी संबंधित सेटलमेंटमधील तरतुदी आणि त्याचे उल्लंघन थांबवावे, या मागण्यांसाठी इंडिया बँक एम्प्लॉईज युनियनने संपावर जाण्याचा निर्णय घेतलाय.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कोणत्या बँकेचा संप कोणत्या दिवशी असेल?

ऑल इंडिया बँक एम्प्लॉईज युनियनच्या अधिसूचनेनुसार, डिसेंबर ते जानेवारी या सर्व तारखांना विविध बँकांमध्ये अखिल भारतीय संपावर असतील.

४ डिसेंबर – PNB, SBI आणि पंजाब अँड सिंध बँकेचे कर्मचारी संपावर असतील .

५ डिसेंबर- बँक ऑफ बडोदा आणि बँक ऑफ इंडिया

६ डिसेंबर- कॅनरा बँक आणि सेंट्रल बँक ऑफ इंडिया

७ डिसेंबर- इंडियन बँक आणि युको बँक

८ डिसेंबर- युनियन बँक ऑफ इंडिया आणि बँक ऑफ महाराष्ट्र

११ डिसेंबर- खासगी बँकांचा संप

जानेवारीत दिवशी असणार संप

• २ जानेवारी- तामिळनाडू, केरळ, आंध्र प्रदेश, तेलंगणा, कर्नाटक, पुद्दुचेरी, अंदमान-निकोबार आणि लक्षद्वीपमधील सर्व बँकांचे कर्मचारी संपावर असतील.

• ३ जानेवारी- गुजरात, महाराष्ट्र, गोवा, दादर, दमण आणि दीवमधील सर्व बँकांमध्ये संप असेल.

• ४ जानेवारी- राजस्थान, उत्तर प्रदेश, मध्य प्रदेश आणि छत्तीसगडमधील सर्व बँकांमध्ये संप.

• ५ जानेवारी- दिल्ली, पंजाब, हरियाणा, जम्मू-काश्मीर, लडाख, उत्तराखंड आणि हिमाचल प्रदेश राज्यातील बँक कर्मचारी असतील संपावर

• ६ जानेवारी- पश्चिम बंगाल, ओडिशा, बिहार, झारखंड, आसाम, त्रिपुरा, मेघालय, मणिपूर, नागालँड, मिझोराम, अरुणाचल प्रदेश आणि सिक्कीममधील बँक कर्मचारी संपावर असतील.