केंद्र सरकारने नागरिकांसाठी अटल पेन्शन योजना सुरु केली आहे. अटल पेन्शन योजनेत कामगारांना दर महिन्याला पेन्शन मिळते. असंघटित क्षेत्रात काम करणाऱ्या कर्मचाऱ्यांना या योजनेत मदत मिळते. कर्मचाऱ्यांना सामाजिक सुरक्षा मिळावी, या उद्देशाने ही योजना राबवण्यात आली आहे. आता योजनेत बेसिक पेन्शन वाढवण्याची शक्यता वर्तवली जात आहे.

या कर्मचाऱ्यांची पेन्शन वाढणार (Atal Pension Yojana Increase to 10,000 Rupees)

अटल पेन्शन योजनेत असंघटित क्षेत्रात काम करणाऱ्या कर्मचाऱ्यांना दर महिन्याला पेन्शन मिळते. सध्या कर्मचाऱ्यांना ५००० रुपयांपर्यंत पेन्शन मिळते.ही पेन्शन वाढवली जाऊ शकते. ही रक्कम दुप्पट म्हणजे १० हजार रुपये होई शकते.

मिडिया रिपोर्टनुसार, केंद्रीय अर्थ मंत्रालय आणि पेन्शन फंड नियामक आणि विकास प्राधिकरण म्हणजे PFRDA यांच्यात चर्चा सुरु आहे. वाढती महागाई आणि म्हातारपणातील खर्च आणि आर्थिक गरजा लक्षात घेऊन पेन्शन कमी पडत असल्याचे सरकारचे मत आहे. त्यामुळे पेन्शनची कमाल मर्यादा ८००० ते १०,००० रुपयांपर्यंत होऊ शकते.

अटल पेन्शन योजनेत असंघटित क्षेत्रातील कामगारांना म्हातारपणात मदत केली जाते. यासाठी तुम्हाला ठरावीक रक्कम गुंतवायची असते. त्या आधारावर तुम्हाला १ ते ५ हजारांची पेन्शन दिली जाते. हीच पेन्शन १० हजारांपर्यंत वाढवण्याची शक्यता वर्तवली जात आहे.

अटल पेन्शन योजनेत असंघटित क्षेत्रात काम करणारे कर्मचारी म्हणजे ज्यांचे ईपीएफओ अकाउंट नाही अशा कामगारांना लाभ मिळतो. रस्त्यावरील विक्रेते, घरगुती कामगार, मजुर, बांधकाम कामगार या कर्मचाऱ्यांना लाभ मिळतो. या कर्मचाऱ्यांना भविष्यात पेन्शनसाठी काही पर्याय नसतो. त्यामुळे या योजनेत गुंतवणूक करुन तुम्ही आयुष्यभर पेन्शन मिळवू शकता.