नोकरदार वर्गाला नेहमी आपल्या भविष्याची काळजी असते. सध्या दर महिन्याला पगार येतो म्हणून महिन्याभराचा खर्च सहज भागवता येतो. परंतु भविष्यात सेवानिवृत्तीनंतर खर्च भागवण्यासाठी महिन्याला एक ठरावीक रक्कम मिळते गरजेचे आहे. यासाठी तुम्हाला आतापासूनच गुंतवणूक करायची आहे. जेणेकरुन म्हातारपणात तुम्हाला आर्थिक मदत मिळेल. अशीच एक योजना म्हणजे अटल पेन्शन योजना. या योजनेत जवळपास ८ कोटींपेक्षा जास्त लाभार्थी लाभ घेत आहेत.

अटल पेन्शन योजनेत स्वतः सरकार गॅरंटी देते. त्यामुळे सुरक्षेची हमी असते. या योजनेत तुम्ही खूप कमी रुपयांची गुंतवणूक करुन चांगला परतावा मिळवू शकतात. दररोज फक्त ७ रुपयांची गुंतवणूक करायची आहे.

अटल पेन्शन योजनेत तुम्हाला १००० रुपये ते ५००० रुपयांपर्यंतची पेन्शन मिळते. या योजनेत १८ ते ४० वयोगटातील नागरिक लाभ घेऊ शकतात. या योजनेत पेन्शन मिळवण्यासाठी तुम्हाला कमीत कमी २० वर्षे गुंतवणूक करायची आहे.

महिन्याला मिळणार ५००० रुपयांची पेन्शन

तुम्हाला २० वर्षे गुंतवणूक करायची आहे. त्यामुळे तुम्ही जर ४० व्या वर्षी गुंतवणूक केल तरी तुम्हाला चांगला परतावा मिळणार आहे. जर तुम्ही वयाच्या १८ व्या वर्षापासून महिन्याला २१० म्हणजेच दिवसाला ७ रुपये गुंतवले तर तुम्हाला पेन्शन मिळणार आहे. तुम्हाला ५००० रुपयांची पेन्शन मिळू शकते.

अटल पेन्शन योजनेत तुम्ही जेवढी गुंतवणूक करणार त्यावर तुम्हाला किती पेन्शन मिळणार हे ठरलेले असते. त्यामुळे तुम्हाला जर महिन्याला १००० रुपयांची पेन्शन हवी असेल तर महिन्याला ४२ रुपये गुंतवायचे आहेत.

अटल पेन्शन योजनेत पती-पत्नी दोघेही अकाउंट उघडू शकतात. या दोघांनाही १० हजार रुपयांपर्यंतची पेन्शन मिळते. जर पतीचे निधन झाले तर त्याची पेन्शन पत्नीला मिळते. नॉमिनीलादेखील ही रक्कम मिळते.