Post Office Scheme : पोस्टाची जबरदस्त योजना! फक्त व्याजातून मिळवा ₹८२०००; कॅल्क्युलेशन वाचा

प्रत्येकजण पगारातील एक ठरावीक रक्कमेची बचत करतात. ही रक्कम जर एखाद्या योजनेत गुंतवली तर तुम्हाला त्याचा फायदा होतो. परंतु अनेकांना पैसे बुडण्याची भीती असते. त्यामुळे तुम्ही सरकारी योजनेत गुंतवणूक करु शकतात. यातून तुम्हाला चांगला परतावा मिळेल.

पोस्ट ऑफिसच्या ज्येष्ठ नागरिक बचत योजनेत गुंतवणूक केली तर तुम्हाला जबरदस्त व्याज मिळणार आहे. जर तुम्ही या योजनेत फक्त ५ वर्षांसाठी गुंतवणूक केली तर व्याजातून ८२००० रुपयांपेक्षा जास्त पैसे कमवू शकतात.

सीनियर सिटीजन सेव्हिंग स्कीम (Senior Citizen Saving Scheme)

ज्येष्ठ नागरिक बचत योजना ही सरकारी योजना आहे. ज्येष्ठ नागरिकांसाठी ही योजना तयार करण्यात आली आहे. या योजनेत गुंतवणूक केल्यावर तुम्हाला चांगला परतावा मिळणार आहे. याचसोबत दर महिन्याला एक ठरावीक रक्कमदेखील मिळू शकते.

ज्येष्ठ नागरिक बचत योजना ही ६० किंवा त्यापेक्षा जास्त वयोगटातील नागरिकांसाठी आहे. या योजनेत तुम्ही किमान १००० रुपयांपासून ते ३० लाख रुपये गुंतवू शकतात. योजनेच्या मॅच्युरिटीचा कालावधी ५ वर्षे आहे. यानंतर पुढील ३ वर्षासाठी कालावधी वाढवू शकतात.

ज्येष्ठ नागरिक बचत योजनेत ८.२ टक्के व्याजदर मिळते. या योजनेचे व्याजदर तिमाही आधारावर निश्चित केले जाते. हे व्याजदर वार्षिक आधारावर जमा केले जाते.

पोस्टाच्या या योजनेत सिंगल किंवा जॉइंट अकाउंट उघडू शकतात. ५५ वर्षांवरील किंवा ६० वर्षांखालील निवृत्त कर्मचारी गुंतवणूक करु शकतात.या योजनेत निवृत्ती मिळाल्यापासून एका महिन्याच्या आत गुंतवणूक करायची आहे.

फक्त व्याजातून मिळणार ८२००० रुपये

तुम्ही जर २ लाख रुपये एकरकमी गुंतवले तर ५ वर्षांच्या मुदतीनंतर ८.२ टक्क्यांनी व्याज मिळेल.यानुसार, फक्त व्याजातून तुम्ही ८२००० रुपये मिळवू शकतात. म्हणजेच तुम्हाला मूदतीनंतर २,८२,००० रुपये मिळणार आहे.