महाराष्ट्रातील कोणत्या शहरात किती कोटींची गुंतवणूक आली? मुख्यमंत्र्यांनी सांगितला आकडा

मुख्यमंत्री देवेंद्र फडणवीस दावोस दौऱ्यावर आहेत महाराष्ट्र आणि देशात चर्चा सुरू झाली. मुख्यमंत्री देवेंद्र फडणवीस यांच्या नेतृत्वाखाली दावोसमध्ये अनेक कंपन्यांसोबत गुंतवणूक करार केले. महाराष्ट्रातील कोणत्या विभागात किती कोटींची गुंतवणूक आली याची मुख्यमंत्र्यांनी पत्रकार परिषदेतून दिली. महाराष्ट्राने जवळपास 30 लाख कोटी रुपयांच्या गुंतवणुकीचे करार केले आहेत. या गुंतवणुकीत इंडस्ट्री सेक्टर, सर्व्हिस सेक्टर, शेती, टेक्नोलॉजी अशा सगळ्याच क्षेत्रात गुंतवणूक झाली आहे. महाराष्ट्रातील वेगवेगळ्या भागांसाठी गुंतवणूक आली आहे.

कोकण क्षेत्रात 16 टक्के, एमएमआर क्षेत्राला 22 टक्के, विदर्भात 13 टक्के ही गुंतवणूक आलीय. 50 टक्के गुंतवणूक महाराष्ट्राच्या इतर भागांमध्ये आली आहे. उत्तर महाराष्ट्रात नाशिक, जळगाव, अहिल्यानगर, नंदुरबार, धुळे या सगळ्या भागांमध्ये गुंतवणूक आली आहे. येथे जवळपास 50 हजार कोटींची गुंतवणूक तिथे आली आहे. मराठवाड्यातील छत्रपती संभाजीनगर तयार झालं आहे. तिथे 55 हजार कोटींची गुंतवणूक आली आहे. नागपूर विभाग आणि विदर्भात 2 लाख 70 हजार कोटींची गुंतवणूक आली आहे. यासह कोकणात 3 लाख 50 हजार कोटींची गुंतवणूक आल्याची माहिती मुख्यमंत्र्यांनी दिलीय.