Apple ने आपले न्यू जनरेशन AirPods लॉन्च केले आहेत. या नवीन Airpods मध्ये तुमचा गाणी ऐकण्याचा आनंद दुप्पट होणार आहे, कारण यात जबरदस्त साउंड क्वालिटी ग्राहकांना मिळणार आहे. नवीन लॉन्च झालेल्या Apple Airpods मध्ये ग्राहकांना काय मिळणार आहे खास, याचबद्दल अधिक माहिती जाणून घेऊ...
Apple ने AirPods 4 चे दोन मॉडेल लॉन्च केले आहेत. जे H2 चिपसह सुसज्ज आहे. हे न्यू जनरेशन AirPods चांगला बास आणि क्लिअर साउंड आणि जबरदस्त ऑडिओ क्वालिटीसह येतात.
AirPods 4 मध्ये अडॅप्टिव्ह ऑडिओ, हँड्स-फ्री कॉलिंग आणि जेश्चर-बेस्ड सिरी इंटरॅक्शनसह क्लिअर कॉलिंगसाठी व्हॉइस आयसोलेशनची सुविधा मिळते. नवीन AirPods 4 चार्जिंग केस कॉम्पॅक्ट आहे, जो USB-C ला सपोर्ट करतो. याची बॅटरी लाईफ एकूण 30 तासांची आहे, अशी माहिती कंपनीने दिली आहे.
Apple ने AirPods 4 चे दुसरे मॉडेल देखील सादर केले आहे. ज्यात अ‍ॅक्टिव्ह नॉईज कॅन्सलेशन, चांगला मायक्रोफोन सारखे फीचर्स आहेत. यामुळे तुम्ही कधीही कुठेही प्रवास करत असताना तुम्हाला बाहेरील आवाजाचा त्रास होणार नाही आणि तुम्ही तुमची गाण्यांची प्ले-लिस्ट एन्जॉय करू शकाल.
याच्या केसमध्ये वायरलेस चार्जिंग, Qi-Certified चार्जरसह “Find My” साठी बिल्ट-इन स्पीकर देण्यात आला आहे. Apple चे म्हणणे आहे की, AirPods 4 चे दोन्ही मॉडेल 100 टक्के फायबर-बेस्ड मटेरिअलने बनवण्यात आले आहेत.
Apple AirPods 4 तुम्ही प्री-ऑर्डर करू शकता. याची किंमत 129 डॉलर्स आहे. तर Active Noise Cancellation मॉडेलची किंमत 179 डॉलर्स इतकी आहे. हे AirPods 20 सप्टेंबरपासून विक्रीसाठी उपलब्ध होणार.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.