अमन कुमार यांचा प्रवास (Aman Kumar Crack JPSC)

अमन कुमार यांनी कोणत्याही कोचिंग क्लासेसशिवाय JPSC परीक्षा पास केली आहे. त्यांच्या या यशात त्यांच्या कुटुंबाचा आणि गर्लफ्रेंडचा खूप मोठा वाटा आहे. त्यांच्या गर्लफ्रेंडने त्यांना खूप कठीण काळात साथ दिले. त्यांच्यावर विश्वास ठेवला. त्याच विश्वासाचं फळ आज त्यांना मिळालं आहे.

दहावीत असतानाच केला होता संकल्प

अमन यांना दहावीत असल्यापासूनच सिव्हिल सेवेत जाण्याची इच्छा होती. त्यांचे मोठे भाऊदेखील अधिकारी आहेत. त्यामुळे त्यांना अनेक गोष्टींसाठी मोठ्या भावाने मदत केली. त्यांनी दिवसरात्र अभ्यास करुन ही परीक्षा पास केली आहे. त्यांनी आपल्या या यशाचं श्रेय आईवडिल आणि गर्लफ्रेंडला दिले आहे.

अमन यांनी सांगितले की, त्यांनी बारावीनंतर आनंद कॉलेजमधून पदवी प्राप्त केली. यानंतर त्यांनी नागरी सेवा परीक्षेची तयारी केली. त्यांनी कोणत्याही कोचिंग क्लासेसशिवाय अभ्यास केला. पुस्तके, इंटरनेट आणि चॅटजीपीटीच्या माध्यमातून त्यांनी अभ्यास केला.

अमन यांचे वडील अनिल प्रसाद यांचे सेकंड हँड पुस्तकांचे दुकान आहे. घरखर्च भागवण्यासाठी ते स्वतः चे दुकान चालवायचे. आज लेक अधिकारी झाल्याने त्यांचे वडील खूपच आनंदी आहेत. त्यांनी खूप मेहनतीने हे यश मिळवलं आहे.