देशातील सर्वाधिक श्रीमंत व्यक्तींपैकी एक म्हणजे गौतम अदानी. अदानी समुहाचे अध्यक्ष गौतम अदानी यांनी आपल्या निवृत्तीची योजना आखली आहे. ते लवकरच सेवानिवृत्ती घेणार असल्याचे बोलले जात आहे. येत्या काही वर्षात ते त्यांच्या कंपनीची जबाबदारी नवीन पिढीकडे सोपवणार आहे. ब्लूमबर्गला दिलेल्या मुलाखतीत गौतम अदानींनी याबाबत माहिती दिली आहे.

६२ वर्षीय गौतम अदानी यांनी सेवानिवृत्ती घेण्याचा विचार केला आहे. २०२३० पर्यंत ते त्यांच्या कंपनीची जबाबदारी त्यांचा मुलगा आणि पुतण्याकडे सोपवतील. गौतम अदानी यांनी वयाच्या ७० व्या वर्षी सेवानिवृत्ती घेण्याचा निर्णय घेतला आहे, असं सांगण्यात येत आहे. गौतम अदानी आता ६२ वर्षांचे आहेत. त्यामुळे पुढील ७-८ वर्षात ते निवृत्ती घेतील, असं बोललं जात आहे.

गौतम अदानींनी मुलाखतीत सांगितले की, २०३० पर्यंत ते अदानी समुहाचे अध्यक्षपद सोडणार आहे. त्यानंतर कंपनीची जबाबदारी दोन मुले आणि पुतण्यांकडे सोपवणार आहे. याबाबत एका अहवालात सांगितले की, त्यांच्या कंपनीचे चार वारसदार असतील. मुलगा करण आणि जीत अदानी आणि पुतणे प्रणव आणि सागर अदानी हे अदानी कुटुंब ट्रस्टची जबाबदारी सांभाळतील. ते या कंपनीचे समान लाभार्थी असतील.

अहवालानुसार, अदानी कंपनीमध्ये कोण कोणती जबाबदारी घेणार याबाबत गोपनीय करार केला जाईल. ज्यामध्ये कंपन्यांमधील स्टेक आणि उत्तराधिकाऱ्यांबाबत सर्व माहिती असेल. सध्या गौतम अदानींचा मुलगा करण अदानी हा अदानी पोर्टचा व्यवस्थापकीय संचालक आहे तर लहान मुलाग जीत हा अदानी पोर्टचे संचालक आणि सागर अदानी कार्यकारी संचालक आहे.

गौतम अदानींच्या निवृत्तींतर अदानी समुहाचा अध्यक्ष कोण होणार?

अहवालानुसार, गौतम अदानींच्या निवृत्तींतर अदानी समुहाचा अध्यक्ष कोण होणार याबाबत कोणतीही माहिती समोर आली नाही. परंतु करण आणि प्रणव अदानी हे या पदासाठी दावेदार असतील, असं सांगण्यात येत आहे.