आठवा वेतन आयोग लवकरात लवकर लागू करण्याबाबत सरकार महत्त्वाची पाऊले उचलत आहे. केंद्रीय कर्मचारी आणि पेन्शनधारकांमध्ये याबाबत चर्चा होते. दरम्यान, आता कर्मचाऱ्यांना पगारवाढ, फिटमेंट फॅक्टरमध्ये बदल आणि पेन्शनमध्ये वाढ करण्याची अपेक्षा आहे.

केंद्र सरकारने आठवा वेतन आयोग कधी लागू होणार याबाबत कोणतीही घोषणा केलेली नाही. मात्र, अनेकांनी अंदाज वर्तवले आहे.

आठवा वेतन आयोग लागू झाला तर तो मागच्या ७व्या वेतन आयोगाप्रमाणेच वेतनवाढ, फिटमेंट फॅक्टर, भत्ते आणि पेन्शनचा आढावा घेईल असं सांगितलं आहे. याचा फायदा कोणाला होणार आणि कोणाला नाही ते जाणून घ्या.

या कर्मचाऱ्यांना मिळणार नाही फायदा

नियमानुसार, आठव्या वेतन आयोगाचा सरसकट फायदा सर्व कर्मचाऱ्यांना होणार नाहीये.

खाजगी क्षेत्रातील कर्मचाऱ्यांचा आणि आठव्या वेतन आयोगाचा काहीही संबंध नाही. त्यांना याचा फायदा होणार नाही. या शिफारसी फक्त केंद्र सरकारी कर्मचाऱ्यांना लागू होतात.

केंद्रीय नागरी सेवा नियमांतर्गत समाविष्ट नसलेल्या कर्मचाऱ्यांना किंवा कंत्राटी आणि तात्पुरत्या कर्मचाऱ्यांनाही याचा फायदा होणार नाही.

राज्य सरकारी कर्मचाऱ्यांना आठव्या वेतन आयोगाच्या शिफारसी पूर्ण स्विकारल्या तरच फायदा होईल. हा निर्णय राज्य सकारवर अवलंबून असणार आहे,

सार्वजनिक क्षेत्रातील उपक्रमांचे (PSUs) कर्मचारी. या संस्थांची रचना वेगवेगळी असते. जोपर्यंत केंद्र सकारच्या शिफारसी लागू होत नाही तोपर्यंत या कर्मचाऱ्यांना थेट लाभ मिळत नाही.

याचसोबत स्वायत्त संस्थांच्या कर्मचाऱ्यांनाही केंद्र सरकारच्या वेतन नियमांचे पालन केल्यास लाभ होणार आहे.

५० लाख कर्मचारी आणि ६९ पेन्शनधारकांना फायदा

आठव्या वेतन आयोगाबाबत कोणतीही अधिसूचना जारी केलेली नाही. त्यामुळे कर्मचाऱ्यांना आणि पेन्शनधारकांना कोणत्याही अफवांवर विश्वास ठेवू नका, असं सांगितले आहे. आठव्या वेतन आयोगाचा फायदा ५० लाख कर्मचारी आणि ६९ लाख पेन्शनधारकांना होणार आहे.