आठव्या वेतन आयोगाबाबत एक महत्त्वाची बातमी समोर आली आहे. आठव्या वेतन आयोगात सरकारी कर्मचाऱ्यांना खूप अपेक्षा आहे. मात्र, आता सरकारने दिलेल्या एका माहितीमुळे कर्मचाऱ्यांना धक्काच बसला आहे. स्वायत्त संस्थांमध्ये काम करणाऱ्यांबाबत महत्त्वाचे विधान केले आहे. सरकारने स्पष्ट केलंय की, सध्याच्या स्थितीत तरी स्वायत्त संस्थांमध्ये कार्यरत असलेल्या नवरा-बायकोला एकाच ठिकाणी नियुक्ती देण्याबाबत कोणताही विचार नाहीये.

राजसभेत प्रा. मनो कुमार झाला यांनी याबाबत प्रश्न विचारला होता. यावेळी राज्यमंत्री डॉ. जितेंद्र सिंह यांनी माहिती दिली. त्यांनी सांगितले की, सरकारने ३० सप्टेंबर २००९ रोजी जारी केलेल्या आदेशानुसार, पती आणि पत्नीला एकाच ठिकाणी नियुक्ती देण्याचे आदेश दिले होते. जेव्हा पती आणि पत्नी दोघेही केंद्र सरकारमध्ये काम करत असेल त्यांच्यासाठीच हा नियम लागू होतो.

सरकारने स्पष्ट केले की, या धोरणाचा विस्तार करुन केंद्र अनुदानित संस्था किंवा इतर संस्थाना लागू करण्याबाबत कोणताही प्रस्ताव नाहीये.म्हणजेच आता स्वायत्त संस्थांमध्ये काम करणाऱ्या जोडप्यांना एकाच ठिकाणी काम करता येणार नाहीये. याबाबत सरकारच कोणताही विचार नाहीये.

केंद्र सरकारच्या या उत्तरावर अखिल भारतीय एनपीएस कर्मचारी महासंघाचे राष्ट्रीय अध्यक्ष डॉ. मनजीत सिंह पटेल यांनी नाराजी व्यक्त केली आहे. ते म्हणाले की, हे अत्यंत दुर्दैवी आहे. स्वायत्त संस्थेत काम करणाऱ्या पती-पत्नीची एकाच ठिकाणी बदली करण्यात आलेली नाही. सरकार याबाबत कोणताही विचारदेखील करत नसल्याचे दिसत आहे. या शब्दात त्यांनी नाराजी व्यक्त केली.