केंद्रीय कर्मचारी आठव्या वेतन आयोगाची वाट पाहत आहेत. आठव्या वेतन आयोगाअंतर्गत पगारवाढ ही फिटमेंट फॅक्टरवर अवलंबून असते. यासाठी आठव्या वेतन आयोगाच्या समितीची स्थापना केली. आयोग शिफारसी तयार करणार आहे. शिफारसी तयार केल्यानंतर फिटमेंट फॅक्टर नक्की किती असणार हे ठरणार आहे. त्यावरुन तुमचा पगार किती वाढणार हे ठरणार आहे.

फिटमेंट फॅक्टरबाबत गेल्या अनेक दिवसांपासून खूप चर्चा आहे. फिटमेंट फॅक्टर ३.२५, २.८६ आणि २.२८ होण्याची मागणी केली जात आहे. मात्र, सध्याच्या महागाईवर फिटमेंट फॅक्टर अवलंबून असणार आहे. सध्या फिटमेंट फॅक्टर १.९०- १.९२ होण्याची शक्यता आहे.

किती वाढणार पगार? (8th Pay Commission Salary Hike)

सातव्या वेतन आयोगात पगार २७ टक्क्यांनी वाढला होता. त्यांना १४.२७ टक्क्यांनी पगारवाढ मिळाली होती. त्याचसोबत आता जानेवारी २०२६ पर्यंत महागाई भत्ता ६० टक्के झाला आहे. त्यामुळे भविष्यात ८व्या वेतन आयोगासाठी पगारवाढ १८ टक्क्यांनी होण्याची शक्यता आहे. जर पगारवाढ २४ टक्के झाली तर फिटमेंट फॅक्टर जास्त असू शकतो. दरम्यान, याची शक्यता खूप कमी आहे.

फिटमेंट फॅक्टर किती होणार? (8th Pay Commission Fitment Factor)

फिटमेंट फॅक्टर हा महागाई भत्त्यावर अवलंबून असतो. महागाई वाढली तर फिटमेंट फॅक्टरदेखील वाढला जोता. जर त्यावेळी महागाई भत्ता ६० टक्के असेल तर पगार १८ टक्क्यांनी वाढू शकतो. या परिस्थितीत फिटमेंट फॅक्टर १.९० राहणार आहे. तुमच्या बेसिक सॅलरीला फिटमेंट फॅक्टरने गुणले जाते त्यानंतर नवीन पगार ठरवला जातो.