5 days week Work in Bank, Bank Holiday, Banking Sector SAAM TV
बिझनेस

Bank Holidays Update : दर शनिवार-रविवार बँका बंद राहणार का? '5 डेज वीक'बाबत अर्थ मंत्रालयानं नेमकं काय दिलं उत्तर?

5 days week Work in Bank : प्रत्येक महिन्यातील दर शनिवारी आणि रविवारी बँकांना सुट्टी मिळण्याची शक्यता आहे. तसा प्रस्ताव भारतीय बँक संघटनेने दिला आहे. त्यावर अर्थ मंत्रालयानं संसदेत उत्तर दिलं आहे.

Nandkumar Joshi

Bank saturday- sunday holiday in India :

प्रत्येक महिन्यातील दर शनिवारी आणि रविवारी बँकांना सुट्टी मिळण्याची शक्यता आहे. याचाच अर्थ बँकांचे कामकाज आठवड्यातून पाच दिवसच सुरू राहू शकतं.

केंद्रीय अर्थ मंत्रालयाच्या माहितीनुसार, अधिकृतरित्या दर शनिवारी सुट्टी घोषित करण्याच्या मागणीचा प्रस्ताव भारतीय बँक संघटनेच्या वतीने देण्यात आलेला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

भारतीय बँक संघटनेने (IBA) आठवड्यातील पाच दिवस काम (5 days Working in Bank) आणि दोन दिवस म्हणजेच आठवड्यातील प्रत्येक शनिवार आणि रविवारी सुट्टी देण्याच्या केलेल्या मागणीसंदर्भात विचारलेल्या प्रश्नावर अर्थ राज्यमंत्री भागवत कराड यांनी संसदेत उत्तर दिले. अशा प्रकारचा प्रस्ताव बँक संघटनेकडून देण्यात आल्याचे कराड यांनी सांगितले.

२०१५ पासून महिन्यातील दुसऱ्या आणि चौथ्या शनिवारी सुट्टी

२०१५ पासून भारतात बँकांना दर महिन्याच्या दुसऱ्या आणि चौथ्या शनिवारी सार्वजनिक सुट्टी असते. 'आठवड्यातील पाच दिवस काम' असावे अशी मागणी गेल्या अनेक वर्षांपासून बँक कर्मचाऱ्यांकडून करण्यात येत आहे.

बँकिंग क्षेत्रात लाखो कर्मचारी

आयबीए ही संघटना बँक कर्मचाऱ्यांचे प्रतिनिधीत्व करते. त्यात सार्वजनिक आणि खासगी बँका, भारतातील विदेशी बँका, सहकारी, क्षेत्रीय ग्रामीण बँक आणि सर्व वित्तसंस्था आहेत. बँकिंग क्षेत्रातून जवळपास १५ लाखांपेक्षा अधिक व्यक्तींना रोजगार मिळतं.

बँकांमध्ये आठवड्यातून पाच दिवस काम?

आठवड्यातून पाच दिवस कामकाजासंदर्भातील प्रस्ताव स्वीकारला आहे किंवा भविष्यात यावर विचार केला जाऊ शकतो, असं अर्थ मंत्रालयाकडून अद्याप स्पष्ट करण्यात आलेले नाही.

या प्रस्तावाला मंजुरी मिळाली तर, आठवड्यातून दोन दिवस सुट्टी दिली जाऊ शकते. मात्र, बँकांच्या दैनंदिन कामकाजाच्या वेळेत वाढ होऊ शकते. हा बदल झाल्यास लाखो बँक कर्मचाऱ्यांना लाभ मिळू शकतो.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Pune Crime : पुण्यातील प्रसिद्ध रीलस्टारवर जीवघेणा हल्ला, तिघांकडून बेदम मारहाण; शहरात खळबळ

Hafiz Saeed: मुंबई हल्ल्याच्या मास्टर माईंड हाफिसला भारताच्या ताब्यात देणार पाकिस्तान; प्रत्यार्पणासाठी ठेवली मोठी अट

Dry Fruits: पावसाळ्यात ड्राय फ्रुट्स साठवण्यासाठी वापरा 'या' सिंपल टिप्स

Sunday Horoscope : आषाढी एकादशीला होणार विष्णूची कृपा; 'या' राशींच्या लोकांवर धनाचा वर्षाव होणार

Ind vs Eng Live, 2nd Test: अबब! इंग्लंडच्या संघासमोर ६०० पेक्षा जास्त धावांचं आव्हान; टीम इंडियाकडून डाव घोषित

SCROLL FOR NEXT