Union Budget 2024 Focus On New Tax Regime :

केंद्रीय अर्थमंत्री निर्मला सीतारामन १ फेब्रुवारीला अर्थसंकल्प सादर करतील. मागच्या वर्षीच्या अर्थसंकल्पानुसार या वर्षी देखील अर्थसंकल्पात अनेक गोष्टी मांडल्या जाऊ शकतात.

यंदाच्या अर्थसंकल्पातून (Budget) सर्वसामान्यांना खुशखबर मिळू शकते. अशातच स्टँडर्ड डिडक्शनमधून सूट मिळेल का? NPS वर सूट वाढेल का? नवीन कर प्रणालीमध्ये एनपीएसचा समावेश होईल का? करमाफीची मर्यादा वाढणार का? 7 लाख रुपयांची करमुक्त उत्पन्न मर्यादा वाढणार का? अशा अनेक गोष्टींबाबत निर्णय होऊ शकतात. तसेच टॅक्स (Tax) स्लॅबची मर्यादा देखील वाढवण्यात येण्याची शक्यता आहे.

मोदी सरकारकडून यावेळी करदात्यांना दिलासा मिळू शकतो. सध्या नवीन कर प्रणालीमध्ये ७ लाख रुपयांपर्यंत कोणताही कर भरावा लागणार नाही. सरकार यामध्ये ७.५० लाख रुपयांपर्यंतचा कर वाढूवे शकते. तसेच महिलावर्गाला वेगळा टॅक्स स्लॅब देखील देऊ शकते. ज्यामध्ये ८ लाख रुपयांपर्यंत (Price) कोणताही कर भरावा लागणार नाही.

१ फेब्रुवारीला केंद्रीय मंत्री निर्मला सीतारामन सहाव्यांदा अर्थसंकल्प सादर करणार आहे. लवकरच देशभरात लोकसभा निवडणुका होणार आहेत. अशावेळी सरकार पगार वर्गाबाबत अनेक नवीन घोषण करु शकते. नवीन कर प्रणालीवर लक्ष केंद्रित करण्याचे सरकारचे लक्ष आहे. यावेळी करप्रणालीत अनेक मोठे बदल होण्याची शक्यता आहे.