कनिष्ठ महाविद्यालय शिक्षक महासभेची अर्थमंत्री सुधीर मुनगंटीवारांसोबतची बैठक निष्फळ ठरली. त्यामुळे 26 मार्चला मंत्रालयासमोर उपोषण करण्याचा इशारा कनिष्ठ महाविद्यालय शिक्षक महासभेने दिला आहे. त्यानंतरही निर्णय न झाल्यास, तपासलेल्या उत्तरपत्रिका बोर्डाकडे जमा न करण्याचा करण्याचा इशाराही महासभेने दिलाय. याआधी शिक्षकमंत्री तावडेंनी, कनिष्ठ महाविद्यालयाची शिक्षकांच्या मागण्या मान्य करण्याबाबत लिखित आश्वासन दिलं होतं. त्यामुळे 5 मार्चला शिक्षकांनी संप मागे घेतला होता. मात्र 21 मार्चच्या बैठकीत सकारात्मक चर्चा न झाल्याने पुन्हा शिक्षक आंदोलनाच्या पवित्र्यात उतरले आहेत.