चेतन व्यास 
वर्धा : पावसाचे आगमन झाल्याने शेती कामांना वेग आला आहे. शेतकरी कृषी केंद्रावरून बियाणे खरेदीसाठी गर्दी करत आहे. अश्यातच जिल्ह्यातील काही कृषी केंद्र संचालक बियाण्यांचा कुत्रीम तुटवडा निर्माण करत काळाबाजार केला जात आहे. बियांना होत असलेला काळाबाजार थांबवून कारवाई करण्याची मागणी मनसेकडून करण्यात आली आहे.

खरीप हंगाम सुरु झाला असून पाऊस देखील बऱ्यापैकी पडला आहे. पाऊस पडल्यामुळे शेतात पेरणी करण्यासाठी शेतकरी बियाणे खरेदी करत आहेत. मात्र बियाणे विक्री करणाऱ्या विक्रेत्यांकडून काळाबाजार करण्यास सुरवात झाली आहे. दुकानात बियाणे असून देखील त्याचा कृत्रिम तुटवडा निर्माण करून शेतकऱ्यांकडून (Farmer) अधिक रक्कम घेत आहे. बियाणे विक्रीकारिता अनेक एजेंटच्या माध्यमातून काळाबाजार केल जातं आहे. सोबतच बियाणे घेताना शेतकऱ्यांकडून लिंकिंगची जबरदस्ती केली जातं आहे.

मनसेची कृषी कार्यलयावर धडक 

या सर्व मुद्याना घेत आज महाराष्ट्र नवनिर्माण सेनेने कृषी अधिकारी कार्यालयावर (Agriculture Department) धडक दिली. जिल्हा कृषी अधिकाऱ्यांना निवेदन देत काळाबाजार करणाऱ्या कृषी केंद्र संचालकांवर तात्काळ कारवाईची मागणी केली. कारवाई न केल्यास तीव्र आंदोलनाचा इशारा यावेळी देण्यात आला.