Akola Agriculture News : अकोला येथील कृषी उत्पन्न बाजार समितीमध्ये सोयाबीनची आवक मोठ्या प्रमाणात वाढली आहे. त्यामुळे नवीन आवक उतरविण्यासाठी जागा उपलब्ध नसल्याचे कारण देत शेत माल आवक स्वीकारण्यात येणार नसल्याचे कृषी उत्पन्न बाजार समिती प्रशासनाने जाहीर केले आहे. त्यामुळे आजपासून दोन दिवस सोयाबीन (Soybean) विक्रीसाठी बाजार समिती मध्ये आणू नये असे आवाहन बाजार समिती प्रशासनाने केले आहे.

दिवाळी नंतर सोयाबीन काढणीला वेग येऊन शेतकऱ्यांच्या घरात नवीन सोयाबीन आले आहे. यावर्षी अतिवृष्टीमुळे सोयाबीनचे उत्पादन मोठ्या प्रमाणात घटले आहे. मात्र रब्बी हंगामाच्या तयारीसाठी शेतकऱ्यांना सोयाबीन विकावे लागत आहे. त्यामुळे बाजार समिती मध्ये सोयाबीनची आवक मोठ्या प्रमाणात वाढली असून दिवसाला चार हजार क्विंटलच्या वर सोयाबीनची आवक होत आहे. अचानक आवक वाढल्याने बाजार समिती मध्ये नवीन सोयाबीन उतरवण्यासाठी जागा नसल्याचे प्रशासनाने जाहीर केले आहे.

Edited By - Shivani Tichkule