सांगली : सांगली जिल्ह्यातील दुष्काळी भागातील जत मार्केटमध्ये डाळिंब बाजार मध्ये आज डाळिंब सौद्यात दुष्काळानंतर प्रथमच उच्चांकी दर मिळाला आहे. शेतकरी विशाल कुंभार या शेतकऱ्याने डाळींब मार्केटमध्ये नेले असता त्यास २६५ रुपये इतका दर मिळाला आहे. त्यामुळे दुष्काळी शेतकऱ्यांमध्ये आनंदाचे वातावरण पसरले आहे.

सांगली (Sangli) जिल्ह्यातील जत तालुका पाणी टंचाईने त्रस्त आहे. या दुष्काळी भागात शेती करणे कठीण आहे. यामुळे या भागातील बहुतांश शेतकरी हे कमी पाण्यात जास्त उत्पन्न म्हणून डाळिंबाची लागवड करत त्याचे उत्पादन घेत असतो. या भागातील शेतकऱ्यांचा माल हा चेन्नई, कलकत्ता, मद्रास, मथुराई आदी देशात जतचा (Pomegranate) डाळिंब जात आहे. यामुळे डाळींबाचे उत्पादन घेण्याकडे जात तालुक्यातील शेतकऱ्यांचा (Farmer) अधिक कल असून यातून चांगले उत्पन्न देखील शेतकरी घेत आहे. 

दरम्यान मागील वर्षी डाळिंबाला ७० ते १०० रुपये इतका दर मिळत होता. मात्र आज जतच्या मार्केट मध्ये डाळिंब सौद्यात डाळिंबाला २६५ रुपये इतका दर मिळाला आहे. सध्या डाळिंबाला मागणी वाढली आहे. पण आवक कमी आहे. मागणी वाढल्याने डाळिंबाला दर चांगला मिळत आहे. त्यामुळे डाळींब उत्पादक शेतकऱ्यांमध्ये आनंदाचे वातावरण आहे.