साेलापूर : माढा (madha) तालुक्यातील टेंभुर्णी (tembhurni) परिसरातील कोंढार भागातील अनेक गावांमध्ये वादळी वाऱ्यासह मुसळधार पावसामुळे (rain) केळी, डाळींब, आंबा, मका व इतर फळबागांचे प्रचंड मोठ्या प्रमाणात नुकसान झाले. यामुळे येथील शेतकरी प्रचंड मोठ्या संकटात सापडला आहे. या शेतक-यांच्या (farmer) शेतात जाऊन रयत क्रांती संघटनेचे प्रमुख सदाभाऊ खोत (sadabhau khot) यांनी नुकसानीची पाहणी करीत सरकारकडे मदतीची मागणी करु असे आश्वासन दिले. (sadabhau khot latest marathi news)

कोंढार भागातील अनेक गावांमध्ये वादळी वाऱ्यासह मुसळधार पावसामुळे शेतक-यांचे नुकसान झाल्याची माहिती खाेत यांना मिळाली हाेती. त्यामुळे मंगळवारी रात्री उशिरा खोत यांनी चांदज गावातील युवराज तांबवे यांच्या केळीच्या शेताला भेट देऊन पाहणी केली. तीव्र वादळामुळे केळीच्या पिकाचं मोठे नुकसान झालेले आहे. पण याची साधी दखल घ्यायला कृषी विभागाचे अधिकारी तसेच जिल्हाधिकारी, तहसीलदार कोणीही फिरकले सुद्धा नाहीत.

सोलापूर जिल्ह्यातील माढा तालुक्यात आलेल्या वादळी वारे व पावसामुळे कोंढार भागातील हजारो हेक्टर केळीची शेती भुईसपाट झाली आहे. त्याचबरोबर माढा तालुक्यातील टेंभुर्णी परिसरातील कोंढारभागातील रांझणी, नगोली, गारअकुले, आढेगाव, आलेगाव, बुद्रुक, आलेगाव खुर्द, वडोली या गावात वादळी वाऱ्यासह मुसळधार पावसामुळे मोठे नुकसान झाले आहे.

दरम्यान नुकसान झालेल्या शेतकऱ्यांना हेक्टरी एक लाखापेक्षा जास्त रुपयाची मदत करावी, चालू पीक कर्ज माफ करावे आणि शेतकऱ्यांच्या पिकांचे तात्काळ पंचनामे करावेत अशी मागणी खोत यांनी सरकारकडे केली जाईल अशी ग्वाही शेतक-यांना दिली.

Edited By : Siddharth Latkar