Hapus Amba : कोकणचा राजा म्हणून ओळख असणाऱ्या हापूस आंब्याच्या (Alphonso Mango) चार पेट्या सांगलीच्या (Sangli) बाजारामध्ये दाखल झाल्या. पहिल्या पेटीला चार हजार शंभर इतका उचांकी दर मिळाला आहे.

यंदा आंब्याची आवक ही कमी असल्याने व्यापाऱ्यांना चांगला दाम मिळेल असे बोलले जात आहे. आजपासून आंब्याच्या सिझनला सुरुवात होत आहे. पहिल्या दोन पेट्या कुणकेश्वर देवगड या भागातून सांगलीच्या फळ मार्केटमध्ये दाखल झाल्या. (Maharashtra News)

गजानन फ्रुट एजन्सी समोर व्यापाऱ्यांनी या पेटीच पूजन करत स्वागत केले. यावेळी एकूण आलेल्या दोन पेटी पैकी पहिल्या पेटीला व्यापाऱ्यांनी बोली लावली. चार हजार शंभर रुपयांचा उच्चांक दर आंब्याला मिळाला आहे.

आज पहिल्या दोन पेटीचे पूजन झाल्यानंतर आता नियमितपणे आंब्याची आवक ही सांगलीच्या (sangli) बाजारात सुरू होणार आहे. कोकणातील हापूस आंब्याला सांगली मध्ये मोठी मागणी आहे. त्यामुळे आता हापूस आंब्याच्या या सिझनला सुरुवात झाली आहे.

Edited By : Siddharth Latkar