बारामती : राज्यपाल भगतसिंह कोश्यारी (bhagat singh koshyari) यांनी छत्रपती शिवाजी महाराज (chhatrapati shivaji maharaj) आणि महात्मा जोतिबा फुले यांच्या बाबतीत मध्यंतरी केलेल्या वक्तव्यामुळे राजेंद्र पवार (Rajendra Pawar) राज्यपालांच्या हस्ते पंजाबराव देशमुख कृषी रत्न पुरस्कार (panjabrao deshmukh krishi award) स्विकारण्यास नकार देत कृषी कर्मचाऱ्यांच्या हस्ते कृषी कार्यालयात पुरस्कार स्वीकारेन अशी भूमिका आज (साेमवार) बारामती (baramati) येथे जाहीर केली आहे. (rajendra pawar latest marathi news)

राज्य सरकारच्यावतीने नाशिक (nashik) येथे आज डॉ. पंजाबराव देशमुख कृषी पुरस्कार वितरण सोहळ्यास राज्यपाल भगतसिंह कोश्यारी, उपमुख्यमंत्री अजित पवार, कृषीमंत्री दादाजी भूसे, अन्न व नागरी पुरवठा मंत्री छगन भुजबळ यांच्या उपस्थित प्रारंभ झाला आहे. या कार्यक्रमात कृषीरत्न, कृषी भूषण, जिजामाता कृषी भूषण पुरस्कारार्थी यांचा सत्‍कार साेहळा आयाेजिण्यात आला आहे. या कार्यक्रमास बारामतीचे कृषी भूषण राजेंद्र पवार हे अनुपस्थित राहिले आहेत. राज्यपाल भगतसिंह कोश्यारी यांच्या हस्ते पुरस्कार स्विकारायचा नसल्याने आपण तेथे गेलाे नसल्याचे पवार यांनी साम टीव्हीशी बाेलताना स्पष्ट केले.

पवार म्हणाले राज्यपाल हे वादग्रस्त विधान करुन शांततेचा भंग करणारी व्यक्ती असल्याचे माझे मत आहे. फुले दाम्पत्य आणि छत्रपती शिवाजी महाराज यांच्या बाबत राज्यपालांनी वादग्रस्त विधान केली आहेत. ते आपल्या महाराष्ट्राच्या इतिहासावर आणि अस्मितांवर विनाकारण घाला घालत आहेत. त्यामुळे त्यांच्याऐवजी कृषी कर्मचाऱ्यांच्या हस्ते कृषी कार्यालयात जाऊन पुरस्कार घेईन.

Edited By : Siddharth Latkar