नंदुरबार : प्रत्येक वर्षी भात पिकाची लागवड जुलै महिन्याच्या पहिल्या आठवड्यात शेतकरी बांधवांकडून सुरु केली जाते. परंतु यंदा नंदुरबार जिल्ह्यात कमी पर्जन्यमान व उशिरा आलेल्या पावसामुळे भात लागवड उशिराने होत आहे. तर काही भागात पावसाअभावी भाताची लागवड खोळंबली आहे.

हे देखील पहा -

रोपण भात लागवड करण्यासाठी मोठ्या पावसाची गरज असते. लागवडीपूर्वी शेतात चिखल करून त्यात भात लागवड केली जाते. या पद्धतीमुळे उत्पादनात वाढ होते. भाताची लागवड केल्यानंतर त्याला कायमस्वरूपी पाण्याची गरज असते. ज्या शेतकऱ्यांकडे विहीर व बोरवेल द्वारे पाण्याची सोय उपलब्ध आहे, त्यांनी भाताची लागवड सुरू केली आहे.

एकंदरीत कमी पावसामुळे जिल्ह्यात कापूस, सोयाबीन, मका, या नगदी पिकांसह इतर पिकांच्या उत्पादनावर मोठा परिणाम होण्याची भीती शेतकऱ्यांकडून व्यक्त केली जात आहे. हवामान विभागाच्या माहितीनुसार आणखी पुढील काही दिवस पावसाचा जोर कमी असल्याचा अंदाज वर्तविण्यात आल्याने यंदा भात लागवड करणाऱ्या शेतकऱ्यांना अडचण निर्माण होणार आहे.

Edited By : Krushnarav Sathe