- सागर निकवाडे

Nandurbar News :

देशातील सर्वात मोठा पपई उत्पादक जिल्हा म्हणून नंदुरबार जिल्ह्याची ओळख आहे. नंदुरबार जिल्ह्यात जवळपास 7 हजार हेक्टर क्षेत्रावर पपई लागवड करण्यात आली आहे. यावर्षी हंगामाच्या सुरवाती पासून दर कमी असल्याने पपई उत्पादक शेतकरी अडचणीत होता. उत्तरेकडील राज्यात पपईला मागणी वाढल्याने पपईच्या दरात वाढ झाली आहे. (Maharashtra News)

सुरवातीला पपईला चांगला दर मिळाला होता. त्यानंतर हा दर 4 ते 5 रुपये प्रतिकिलो पर्यंत खाली आला होता. त्यामुळे जिल्ह्यातील पपई उत्पादक शेतकरी अडचणीत होता. या दरात पपईचा उत्पादन खर्च निघणार नाही अशी परिस्थिती निर्माण झाली होती. आता शेवटच्या टप्प्यात पपई उत्पादक शेतकऱ्यांना दिलासा मिळाला आहे.

व्यापारी आणि पपई उत्पादक शेतकरी यांच्यात झालेल्या बैठकीत पपईचे सुधारित दर ठरविण्यात आला आहे. पपईला 8 रुपये 60 पैसे दर निश्चित करण्यात आला आहे. पपईचे दर वाढल्याने (papaya rate increased in nandurbar) शेतकऱ्यांना दिलासा मिळाला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पपई दरात अजून वाढ होण्याची शक्यता असल्याने नंदुरबार जिल्ह्यातील पपई उत्पादक शेतकऱ्यांना दिलासा मिळत असल्याचे चित्र आहे.

Edited By : Siddharth Latkar