पंढरपूर : कांद्यानंतर आता टरबूजचे दर कोसळले आहेत. करमाळा तालुक्यातील (Pandharpur) बिटरगाव वांगी येथील रामभाऊ रोडगे या (Farmer) शेतकऱ्याला तीन क्विंटल टरबूज विक्रीनंतर अवघे ३४०० रुपये मिळाले आहेत. अवघ्या ८० पैसे प्रति किलो दर मिळाला आहे. (Live Marathi News)

बिटरगाव वांगी (पंढरपूर) येथील रामभाऊ रोडगे यांची तीन एकर शेती असून यात त्यांनी दोन एकरावर टरबूजची लागवड केली आहे. त्यांना यासाठी एक लाख २० हजार रुपयांचा खर्च आला आहे. यातील तीन टन टरबूज विक्रीसाठी सोलापूर बाजार समितीत आणले होते. तीन टन टरबूज काढण्यासाठी मजुरी अडीच हजार रुपये, गाडी भाडे साडेचार हजार रुपये, हमाली ९६० रुपये असा एकूण सात हजार ९६० रुपये खर्च आला.

विक्रीनंतर साडेचार हजाराची पदरमोड

विक्रीसाठी आणलेले टरबूजची (Watermelon) पट्टी केवळ ३४०० रुपये झाली. त्यामुळे उत्पादन खर्च तर मिळालाच नाही. उलट नुकसान सोसून घरी परतावे लागले. तीन टन टरबूजचे ३ हजार ५०० मिळाले असले; तरी भाडे आणि मजूरीसाठी त्यांना ४ हजार ५६० रूपयांची पदरमोड करावी लागल्याची धक्कादायक बाब समोर आली आहे.