अजय सोनवणे 

मनमाड (नाशिक) : नाशिकच्या पुर्व भागात यंदा सरासरीपेक्षा कमी पावसाने हजेरी लावली आहे. त्यामुळे (Nashik) सध्या सर्वत्र दुष्काळी परिस्थिती पाहण्यास मिळत आहे. अशा परिस्थितीत देखील नाशिक जिल्ह्यातील न्यायडोंगरी येथील (Farmer) शेतकऱ्याने आल्याची लागवड करत चांगले उत्पादन घेतले आहे. यातून या शेतकऱ्याच्या हाती बऱयापैकी भांडवल आले आहे. (Breaking Marathi News)

सरासरीपेक्षा यंदा कमी पाऊस (Rain) झाल्याने राज्यातील बहुतांश भागात दुष्काळी परिस्थिती निर्माण झाली आहे. परिणामी शेतकऱ्याला दुष्काळाशी (Drought) मोठा सामना करावा लागत आहे. अशी परिस्थिती असताना देखील न्यायडोंगरी येथील शेतकरी शशीकांत पाटील यांनी उपलब्ध पाण्याच्या जोरावर एक एकर क्षेत्रात (Ginger) आल्याची (अद्रक) लागवड केली होती. सध्या त्यांनी अद्रक काढणीला सुरवात केली आहे. एक एकरमधून ९० क्विंटल उत्पादन त्यांना मिळाले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बांधावरच मिळतोय चांगला दर 

अद्रक विक्रीसाठी या शेतकऱ्याला मार्केटमध्ये जाण्याची आवश्यकता नसून व्यापाऱ्याकडून शेताच्या बांधावरच आल्याची खरेदी केली जात आहे. त्याला ९५०० रुपये प्रति क्विंटलचा दर मिळाला असून व्यापारी जागेवरच माल खरेदीसाठी येत असल्याने दुष्काळी परिस्थितीत शशीकांत शिंदे यांना त्यातून चांगला फायदा झाला आहे.