सागर निकवाडे

नंदूरबार : बोगस खत व बियाणे यांची बेकायदेशीर विक्री होत आहे. त्याची चौकशी करून संबंधित अधिकाऱ्यांनी (nandurbar) बोगस बियाणे बाळगणाऱ्यांवर कारवाई करावी; यासाठी उद्धव बाळासाहेब ठाकरे शिवसेनेचे (Shiv Sena) नंदुरबार जिल्हा कृषी अधीक्षक कार्यालयासमोर धरणे आंदोलन केले. (Maharashtra News)

नंदुरबार जिल्ह्यात शेतकऱ्यांची पेरणीला सुरुवात होणार असून त्या पार्श्वभूमीवर जिल्ह्यात बोगस बि- बियाणे (Bogus Seeds) यात मका, सोयाबिन आदी नित्कृष्ट दर्ज्याचे वाण मिळत आहे. याबाबत कृषी विभागाकडे आलेला निधी ५ ते ६ वर्षांपासून शेतकऱ्यांपर्यंत पोहोचला नाही. याबाबत नंदूरबार जिल्हा कृषी अधीक्षक यांना निवेदन दिले होते. परंतु एक महिना उलटूनही संबंधित विभागाकडून व त्यांच्या जिल्ह्यातील कार्यालयाकडून कोणतीही कारवाही झाली नाही.

कृषी दुकानदार यांच्याकडून बोगस खत, बियाणे औषधीचा पुरवठा (Farmer) शेतकऱ्यांना केला जात आहे. शेतकऱ्यांची आर्थिक लुट होत आहे. तसेच कृषी विभागामार्फत ट्रॅक्टर व ठिबक योजनेचा शासनाचा लाभ शेतकऱ्यांपर्यंत पोहचलेला नाही. नंदुरबार जिल्ह्यातील शेतकऱ्यांचे खत जिल्ह्यात न मिळता परजिल्ह्यात त्याची विल्हेवाट होत आहे. जिल्ह्यातील शेतकरी खतांपासून वंचित राहत आहे. तरी देखील जिल्हा अधीक्षक कारवाई करत नाही. यामुळे बोगस खते व बियाणे विक्री करणाऱ्यांवर ताबडतोब कारवाई करावी; अश्या मागणीसाठी आज उद्धव बाळासाहेब ठाकरे शिवसेना गटाच्‍यावतीने जिल्हा कृषी कार्यालयाच्या समोर धरणे आंदोलन करण्यात आले.