सागर निकवाडे 

नंदुरबार : पाच दिवसांपूर्वी नवापूर तालुक्यात अतिवृष्टी झाली होती. यामुळे तालुक्यातील अनेक भागात प्रचंड नुकसान झाले आहे. तसेच या अतिवृष्टीमुळे शेती पिकांचे देखील मोठ्या प्रमाणावर नुकसान झाले असून शेतीत पाणी शिरल्याने उभे पिक आडवे झाल्याचे दिसून येत आहे. त्यामुळे शेतकऱ्यांचे प्रचंड नुकसान पावसामुळे झाले आहे. 

नंदुरबार (Nandurbar) जिल्ह्यातील नवापूर तालुक्यात पाच दिवसांपूर्वी मध्यरात्रीच्या सुमारास जोरदार पाऊस झाला. या अतिवृष्टीमुळे शेती पिकांना फटका बसला आहे. तर गुजरात राज्याच्या डांग जिल्ह्यात होत असलेल्या पावसामुळे देखील नवापूर (Navapur) तालुक्यातील शेती पिकांना फटका बसत आहे. आजही अनेक शेतांमध्ये पाणी साचलेले आहे. यामुळे शेतकऱ्यांनी कष्टाने पिक जगावले होते. मात्र अतिवृष्टीमुळे पिकांचे अतोनात नुकसान झाले आहे. 

पंचनामे करण्याची मागणी 

अतिवृष्टीमुळे (Heavy Rain) तालुक्यातील अनेक भागात नुकसान झाल्याचे पाहण्यास मिळत आहे. शेतांमध्ये पाणी साचल्याने शेतातील पीक कुजण्याची शक्यता निर्माण झाली आहे. पावसामुळे मोठ्या प्रमाणावर शेती पिकांचे नुकसान झाले असून या नुकसानाचे पंचनामे तातडीने करण्यात यावे अशी मागणी शेतकऱ्यांकडून करण्यात येत आहे.