संजय सूर्यवंशी

नांदेड : नांदेड जिल्‍ह्यात गेल्या दहा ते बारा दिवसांपासुन आवकाळी पाऊस आणि गारपीट होत आहे. पाऊस, गारा आणि वादळीवाऱ्यामुळे जिल्ह्यात अनेक ठिकाणी शेती पिकांचे मोठे नुकसान झाले. तरी देखील (Nanded News) अद्याप नुकसानीचे पंचनामे झालेले नाही. यामुळे (Farmer) शेतकरी संकटात सापडला आहे. (Live Marathi News)

नांदेड जिल्‍ह्यात गेल्या २५ एप्रिलला जिल्ह्यात तुफान पाऊस (Rain) आणि गारपिट झाली होती. मात्र नुकसान होउन दहा दिवस उलटले तरी अनेक ठिकाणी पंचनामे झाले नाही. नांदेड जिल्‍ह्यातील अर्धापूर आणि मुदखेड तालुक्यात मोठ्या प्रमाणात पिकाचे नुकसान झाले. केळी, पपई, आंबा, ज्वारी, हळद यासह भाजीपाल्याचे नुकसान झाले. या भागात मात्र अजुनही पंचनामे सूरु झाले नाही.

साडेबारा हजार हेक्‍टरवर नुकसान

पंचनाम्याना विलंब होत असल्याने नुकसानीची तिव्रता दिसणार नाही. नंतर कमी नुकसान दाखवून कमी मोबदला दिला जाईल; अशी शेतकऱ्यांना भीती आहे. दरम्यान २५ एप्रिलला झालेल्या पावसामुळे जिल्ह्यात साडेबारा हजार हेक्टरवरील पिकांचे नुकसान झाल्‍याचा प्रशासनाचा प्राथमिक अंदाज आहे. सद्या ५० टक्के पंचनामे पूर्ण झाले. येत्या काही दिवसात पंचनामे पूर्ण करून शासनाकडे अहवाल पाठवनार असल्याचे जिल्हाधिकरी अभिजित राउत यांनी सांगितले.