हिंगोली : हिंगोलीत दुष्काळामुळे नापिकी झाली आहे. यामुळे कर्जफेडीचा प्रश्न शेतकऱ्यांसमोर आहे. यासाठी (Hingoli) आंदोलन उभारत कर्जबाजारी झालेल्या शेतकऱ्यांनी (Farmer) शासनाच्या मालकीचे अप्पर तहसील कार्यालय विक्रीला काढले आहे. (Live Marathi News)

मागील तीन वर्षांपासून हिंगोली जिल्ह्यात सतत पडत असलेला दुष्काळ आणि त्यातून शेतकऱ्यांच्या डोक्यावर बँक आणि खाजगी सावकाराचा बोजा वाढला आहे. उत्पन्न येत नाही, शिवाय जे उत्पन्न आले त्या मालाला भाव मिळत नसल्याने (Debt) कर्ज कसे फेडायचे हा प्रश्न शेतकऱ्यांसमोर आहे. या मुळेच आपण हे शासनाचे कार्यालय विक्रीला काढले असल्याचे शेतकऱ्यांनी सांगितले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तहसील कार्यालयांसोबत शेतजमीनही विक्रीला 

हिंगोलीच्या सेनगाव तालुक्यातील गोरेगावमध्ये तहसील कार्यालयात दाखल होत शेतकऱ्यांनी शासनाचे कार्यालय पोस्टर लाऊन विक्री करण्याची घोषणा केली आहे. धक्कादायक म्हणजे या शेतकऱ्यांनी अप्पर तहसील कार्यालय सोबत स्वतःची शेत जमीन, गोठे आणि जनावरे देखील विक्रीला काढली आहेत.