Fraud Case : ऊसतोड मजुर पुरविण्याचे सांगत ११ लाखांत फसवणूक; सात जणांविरुद्ध गुन्हा दाखल

बीड : ऊस तोडणीसाठी मजुर पुरवितो म्हणून गाडी चालकांकडून ११ लाख घेतले. मात्र मजुरांचा पुरवठा केला नाही. त्यामुळे फसवणूक केल्या प्रकरणी (Beed) बीड शहरातील सात जणाविरोधात पेठ बीड पोलीस (Police) ठाण्यात गुन्हा दाखल करण्यात आला आहे. (Maharashtra News)

उसतोडणीचे (Sugarcane) काम सुरु असून यासाठी मजुरांची आवश्यकता आहे. ठेकेदारी पद्धतीने मजुरांचा पुरवठा केला जात असतो. अशाच प्रकारे ऊस तोडणीच्या कामासाठी अशोक बाळाभाऊ शेंडगे या गाडी चालकाला मजुर देतो. म्हणुन आरोपी किशन पवार व इतरांनी मजुर पुरविण्यासाठी शेंडगे यांच्याकडून ११ लाख ६६ हजार रूपये घेतले. मात्र पैसे घेवूनही (Fraud) त्यांना मजुर पुरविण्यात आले नाही. मजूर देण्याबाबत वारंवार संपर्क साधला. मात्र समोरच्याने मजूर पाठविलेच नाही. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मजूर पाठविले नाही म्हणून शेंडगे यांनी किशन पवार यांच्याकडे पैशाची मागणी केली. यावेळी शिवीगाळ करून धमकावण्यात आले. दरम्यान या प्रकरणी सात आरोपी विरोधात पोलिसात गुन्हा दाखल करण्यात आला आहे.