संदीप नागरे/ अमर घटारे

हिंगोली : हिंगोली जिल्ह्यात अवकाळी पावसामुळे फळबागा उद्धवस्त झाल्या आहेत. वादळी तडाखा व गारपिटीमुळे (Hingoli) फळांचा जमिनीवर सडा पडला होता. तर गारपीटीच्या तडाख्यात सापडल्याने एका शेतकऱ्याचा मृत्यू झाल्याची घटना घडली आहे. तर (Amravati) अमरावती जिल्ह्यात देखील वादळी तडाख्यात झाड पडून दोन बैलांचा मृत्यू झाल्याची घटना घडली आहे. (Maharashtra News)

हिंगोली जिल्ह्यात वादळी वारा व अवकाळी पावसाचा मोठा तडाखा बसला आहे. हिंगोलीच्या कळमनुरी तालुक्यातील राजुरा, मसोड, रामवाडी, जटाळवाडी कणका, चिंचोली, मुंडळ गावच्या शिवरातील आंबा व पपई फळाच्या बागा उद्धवस्त झाल्या आहेत. तर राजुरा शिवारामध्ये गारांच्या तडाख्यात एका वयोवृध्द शेतकऱ्याचा मृत्यू (death) झाला आहे. देवराव बाभळे असे या मृत्यू झालेल्या शेतकऱ्याचे (Farmer) नाव असल्याची माहिती प्रशासनाने दिली आहे. प्रशासनाकडून पंचनामा करण्याची मागणी होत आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अमरावती वादळी पावसाने अनेक घरांचे नुकसान
अमरावती : हवामान खात्याने अंदाज दर्शविल्याप्रमाणे अमरावती जिल्ह्यात गेल्या दोन दिवसापासून गारपीट व वादळी वाऱ्याच्या पावसाने मोठे थैमान घातले आहे. यामध्ये मध्यरात्री जिल्ह्यातील रामा साऊर या गावात अनेक घराची छप्पर उडाली असून मोठ्या प्रमाणात नुकसान झाला आहे. तर रात्रीपासून गावातील विद्युत पुरवठा खंडित झाला आहे. नागरिकांच्या घरातील जीवनावश्यक वस्तू, यासह वर्षभरासाठी घरात साठवून ठेवलेले अन्नधान्य सुद्धा पावसात भिजल्याने खराब झाले आहे. सोबतच गुरांच्या अंगावर झाडं पडून दोन बैलांचा मृत्यू सुद्धा झाला आहे. त्यामुळे आता प्रशासनाने तात्काळ पंचनामे करावे व आम्हाला मदत करावी अशी मागणी गावातील नागरिक करत आहे.