धुळे : उन्हाळी भुईमुग हे पीक घेण्यावर शेतकरी भर देत असतात. उन्हाळी भुईमुगावर देखील आळीचा प्रादुर्भाव वाढला आहे. यामुळे (Dhule News) रोपाची वाढ खुंटली आहे. यामुळे उत्पन्नात मोठ्या प्रमाणात घट येण्याची भीती शेतकऱ्यांना (Farmer) वाटू लागली आहे. (Live Marathi News)

खरीप व रब्‍बी हंगामात शेतकरीला हवे तसे उत्‍पन्‍न मिळाले नाही. कधी अतिवृष्‍टी करत कधी अवकाळी पावसाचे थैमान सुरूच असल्‍याने बळीराजाचे मोठे नुकसान झाले आहे. यात काही शेतकऱ्यांनी उन्‍हाळी भुईमूगाची लागवड केली होती. त्‍यावर देखील रोगाचा प्रादुर्भाव दिसून येत आहे. यामुळे मोठे नुकसान होत आहे.

एकीकडे कांद्याला बाजारपेठेमध्ये भाव नसल्यामुळे कांदा उत्पादक शेतकरी मेटाकुटीस आलेला आहे. यातच दुसरीकडे उन्हाळी भुईमूग घेण्यावर शेतकऱ्यांनी भर दिला असताना उन्हाळी भुईमुगावर देखील आळीचा प्रादुर्भाव वाढला आहे. यामुळे आता उन्हाळी भुईमुगाचे उत्पन्न घटन्याची भीती वाटू लागल्यामुळे शेतकरी पुन्हा एकदा संकटात सापडला आहे.