अमर घटारे

अमरावती : यावर्षी राज्यासह अमरावती जिल्ह्यामध्ये मान्सून उशिराने दाखल झाला. या दरम्‍यान काही शेतकऱ्यांनी (Farmer) पेरणी केली आहे. परंतु, आता राज्‍यातील काही भागात (Rain) पाऊस पडत असताना अमरावती (Amaravati) जिल्‍ह्यात अजूनही पावसाची प्रतिक्षा आहे. यामुळे पिकांना वाचविण्यासाठी शेतकऱ्यांना पेरणी पिकांना पाणी देण्याची वेळ आली आहे. (Live Marathi News)

राज्‍यासह अमरावती जिल्‍ह्यात पावसाचे आगमन उशिराने झाले. या दरम्‍यान शेतकऱ्यांनी पेरणीला घाई केली. लाखो रुपये खर्च करून खते, बी बियाणे आणून शेतकऱ्यांनी आपल्या शेतात पेरणी केली. बियाण्याला अंकुरही फुटले. मात्र गेल्या तीन दिवसांपासून पावसाने दडी मारल्यामुळे शेतकऱ्यांवर तुषार सिंचनाने पाणी देण्याची वेळ आली आहे.

१०० मिलिमीटर पाऊस झाल्याशिवाय पेरणी करू नये; असं कृषी विभागाने सांगितलं होते. मात्र अमरावती जिल्ह्यात ५५ मिलिमीटर पावसाची नोंद झाली आहे. पण आधीच मान्सून लांबल्याने शेतकऱ्यांनी घाईघाईत पेरणी केली. मात्र आता पावसाने दडी मारल्याणारे शेतकऱ्यावर संकट ओढावले आहे.