अमर घटारे

अमरावती : पिकांचे नुकसान झाल्यानंतर त्याची नुकसान भरपाई मिळावी यासाठी सरकारने पीक विमा सुरु केला आहे. असे असताना गतवर्षीच्या नुकसानीनंतर (Amravati) अमरावती जिल्ह्यासाठी विम्याची रक्कम मंजूर झाली असून वर्षभरात कवडी देखील मिळाली नाही. जिल्ह्यातील तब्बल ७९ हजार शेतकरी (Farmer) पिक विम्याच्या प्रतीक्षेत आहेत. (Latest Marathi News)

अमरावती जिल्ह्यात सन २०२२ - २३ च्या खरीप हंगामात ६९ हजार शेतकऱ्यांनी पिक विमा (Crop Insurance) काढला होता. त्यानुसार वर्षभर पूर्वी १२३ कोटीचा परतावा मंजूर करण्यात आला असताना सुद्धा अजूनपर्यंत शेतकऱ्यांना एक रुपयाही मिळालेला नाही. यामुळे शेतकरी आर्थिक अडचणीत आले आहे. योजनेसाठी कप अँड कॅप मॉडेलचा जीआर शासनाने काढला प्रत्यक्षात अंमलबजावणी नसल्याने शेतकऱ्यांना अद्यापपर्यंत पिक विमा मिळाला नाही. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

खात्यात जमा होणार रक्कम 

शासनाने हा निधी कंपनीला देण्यास उशिरा १ मार्चला मान्यता दिल्याने बाधित शेतकऱ्यांना पिक विमा चा परतावा येत्या काही दिवसात मिळणार असल्याचे कृषी विभागाकडून सांगण्यात आले आहे. मात्र शेतकऱ्यांच्या खात्यात पैसे जमा झाले नसल्याचे वास्तव अजूनही आहे.