APMC Market Vashi : एपीएमसीत मुंबईकरांची पिवळ्या कलिंगडास पसंती, आवक वाढली

- सिद्धेश म्हात्रे

Navi Mumbai :

नवी मुंबईतील एपीएमसी बाजारात (Agriculture Produce Market Committee) आता पिवळया कलिंगडाची (yellow watermelon) आवक वाढली आहे. पिवळे कलिंगड आरोग्याला पोषक असल्याचे व्यापारी सांगतात. हे कलिंगड चवीला गोड आहेत. पिवळ्या कलिंगडाची आवक केवळ तीन महिनेच राहणार आहे. याला ग्राहकांची मोठी पसंती मिळू लागली आहे. दरम्यान लाल कलिंगडपेक्षा पिवळ्या कलिंगडचे दर एपीएमसी बाजारात दुप्पट असल्याचे चित्र आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

एपीएमसी फळ बाजारात लाल कलिंगडाची माेठी आवक झाली हाेती. महाराष्ट्र राज्यसह कर्नाटक, आंध्रप्रदेश, तामिळनाडू आणि मध्यप्रदेश या राज्यातून देखील कलिंगडाची मोठी आवक झाली होती. आता पिवळे कलिंगड देखील बाजारात माेठ्या प्रमाणात येत आहे. (Maharashtra News)

लाल कलिंगडाची किंमत 16 ते 18 रुपये किलो इतके आहे. याच एपीएमसी बाजारात पिवळे कलिंगड 30 ते 32 रुपये प्रति किलो इतक्या रुपयांना विकले जात आहे. त्याचा दर लाल कलिंगड पेक्षा दुप्पट आहे. महाराष्ट्रातील सोलापूर येथून या पिवळ्या कलिंगडाची आवक होत आहे. याची चव चाखण्यासाठी ग्राहक गर्दी करत आहेत.

Edited By : Siddharth Latkar