Crop Loan : वर्धा जिल्ह्यात पीक कर्जासाठी बँकांना ११०० कोटींचे उद्दिष्ट; १० टक्के कर्ज वितरित

चेतन व्यास 
वर्धा : खरीप हंगामाला लवकरच सुरुवात होणार आहे. यंदाच्या वर्षी जिल्ह्यातील विविध बँकांना खरीप व रब्बी हंगामात मिळून एकूण एक हजार १०० कोटी रुपये पीककर्ज वितरणाचे उद्दिष्ट देण्यात आले आहे. त्यानुसार कर्ज वितरणास सुरवात झाली असून आतापर्यंत १० टक्के कर्ज वितरित करण्यात आले आहे. 

खरीप व रब्बी हंगामासाठी शेतकऱ्यांना पीक कर्ज (Crop Loan) उपलब्ध करून दिले जात असते. करीत हंगामाला आता सुरवात होत असून त्यादृष्टीने बँकांकडून कर्ज वाटपाला सुरवात झाली आहे. बँकांना कर्ज वाटपाचे उद्दिष्ट देखील देण्यात आले आहे. (Wardha) वर्धा जिल्ह्यासाठी एकूण १ हजार १०० कोटी रुपयांचे उद्दिष्ट देण्यात आले असून त्यात खरिपासाठी ८२४ कोटी ३८ लाख ५८ हजार रुपये व रब्बीसाठी २७५ कोटी ६१ लाख ४२ हजार रुपये पीककर्ज उद्दिष्ट देण्यात आले आहे. यापैकी ३० एप्रिलपर्यंत केवळ ५ हजार ६६१ शेतकऱ्यांच्या खात्यात ७६ कोटी ६८ लाख ९७ हजारांची रक्कम जमा केली आहे.

गतवर्षीच्या तुलनेत यंदा एकूण पीककर्जाच्या उद्दिष्टात २०० कोटींनी उद्दिष्ट कमी करण्यात आले आहे. गतवर्षी जिल्हा अग्रणी बँकेला १३०० कोटी कर्ज वाटप करण्याचे उद्दिष्ट दिले होते. खरीप हंगामात कागदपत्रांच्या जाचक अटींमुळे अनेक (Farmer) शेतकऱ्यांना पीककर्ज मिळाले नाही. खरीप हंगामाच्या (Kharif Season) अखेरपर्यंत ८२ हजार ५ खातेधारकांना १ हजार ३३ कोटी ७९ लाख ७४ हजार रुपयांचे कर्ज वाटप करण्यात आले होते. उद्दिष्टाच्या ७९.५२ टक्केच कर्ज वाटपाची टक्केवारी राहिली होती.