Pre-Monsoon Rain: नांदेडसह अर्धापूरात बरसला मान्सूनपूर्व पाऊस; शेतकरी चिंतेत

नांदेड : नांदेड जिल्ह्यातील नांदेड (nanded) शहरासह, अर्धापूर, हदगाव, मुदखेड येथे पावसाच्या (rain) सरी बरसल्या. गेल्या काही दिवसांपासून उन्हाच्या तिव्रतेने अंगाची लाहीलाही होत असताना आजच्या पावसामुळे नागरिकांना (citizen) दिलासा मिळाला आहे. (nanded rain marathi news)

हवामान विभागाने दिलेल्या अंदाजानुसार पावसास सुरूवात झाली आहे. या पावसामुळे काढणीला आलेले भुईमूग पिक आणि सोयाबीन पिकांच नुकसान होण्याची शक्यता बळीराजाने वर्तवली आहे.

दरम्यान आज पडत असलेल्या पावसामुळे बाजारपेठेत धांदल उडाली. रस्त्याच्या कडेला दुकान थाटून बसणा-या विक्रेत्यांची माल भिजू नये यासाठी धावपळ सुरु हाेती. अचानक आलेल्या पावसामुळे नागरिक सुखावले आहेत.

Edited By : Siddharth Latkar